Апублікавана

Персанальная выстава фатаграфіі Сяргея Курылы – «Эцюды»

9 жніўня 2016 года а 18-ай гадзіне ў выставачнай прасторы Этнацэнтра “РАГНА”, размешчанага па адрасу: вуліца Караля, дом 22 / вуліца Сухая, дом 4, Мінск, Беларусь, адбудзецца адкрыццё персанальнай выставы фатаграфіі Сяргея Курылы – «Эцюды».

Сяргей Курыла жыве і працуе ў Гродне. Серыя фатаграфій “Эцюды” стваралася ў вёсцы, шчыльна звязанай з гісторыяй экалагічнай катастрофы глабальнага маштабу – Чарнобылем. Аднак мы бачым адбітак гэтай трагічнай старонкі нашай гісторыі дваццатага стагоддзя не ў вобразах людзей, а ў асяроддзі, іх атачэнні. Вёска, якая распадаецца на складныя часткі пад промнямі сонца, пахінутыя платы, таямнічыя сады – яны цвітуць, але ўжо нікому не патрэбныя. Пустыя праёмы вокнаў, праз якія мы глядзім навонкі, на пейзаж, заліты неверагоднай прыгажосці святлом. Прысутнасць чалавека найпаўней адчуваецца на вясковых могілках. Яны такія ж дагледжаныя, як і раней. Для людзей, вырваных з агульнай, калектыўнай памяці, вяртанне да сваіх продкаў, якія спачываюць на малой радзіме, часта застаецца адзінай злучальнай ніткай, якая дзеліць жыццё на “да” і “пасля”.

Варта асобна падкрэсліць, што ўсе фотаздымкі, прадстаўленыя на выставе, з’яўляюцца яркім прыкладам піктарыялізма. Плыня, якая атрымала найбольшае развіццё ў пачатку мінулага стагоддзя, калі шмат якія фатографы, мастацка адораныя, звярнулі свой погляд на эстэтычныя крытэры пластычных мастацтваў. Многія з іх знаходзіліся пад уражаннем ад работ мастакоў-імпрэсіяністаў. Аднак мы не знойдзем у гэтай серыі пераймання, сімуляцыі жывапісу, што шмат у чым было характэрна для фота-мастакоў мінулага стагоддзя. Выкарыстанне манокля – мякка малюючай оптыкі , у спалучэнні са стужкай – дае добры прыклад сапраўднае святлапісу, калі адсутнасць залішніх дэталяў , характэрнае для сучасных аб’ектываў, збірае наша “уражанне ” ад выявы ў адно, калі ўсё падпарадкавана перадачы настрою.

Тут можна было б угледзець некаторую супярэчнасць паміж абраным інструментарыем і тэмай гэтай серыі фотаздымкаў. У сувязі з гэтым , хацелася б прывесці цытату вядомага прапагандыста манокля і святлапісу ў цэлым – Георгія Мсціславіча Коласава , які пісаў у сваім артыкуле: ”… У сусветным святлапісе піктарыялізм зацвердзіўся на самым пачатку нашага стагоддзя. Карані яго – у жывапісных вопытах апошняй траціны XIX стагоддзя, галоўная прыкмета – абагулены малюнак выявы. Яго падабенства з жывапісам – відавочнае. Як змяняецца ў сувязі з гэтым наша ўспрыманне? Абагульняючы выяву (прыбіраючы дэталі), фатограф мысліць не паверхняй, а прасторай – у глыбіню, што дазваляе ў ідэале ператвараць аб’ект у містычны сімвал. Але ператварэнне можа адбывацца двума шляхамі. Першы – спецыяльныя пазітыўныя працэсы, у якіх рашаючую ролю грае індывідуальная тэхналогія, гэта значыць мастацтва рук. Першасны малюнак пры гэтым забіваецца (фарбай, растрам і пад.), страчваецца. Другі шлях – здымка мяккамалюючымі аб’ектывамі, якая захоўвае каштоўную аптычную сувязь выявы з натурай. Размежаванне тут прынцыповае: па адзін бок – эстэтыка жывапісу, па другі – чыстая фатаграфія, наколькі б жывапіснай не выглядала б выява. Тут і пачынаюцца цуды. Растарможаная прастора літаральна ажывае і пачынае гульню з часам, зацягваючы погляд і прымушаючы яго сачыць за аб’ектам. Справа можа дайсці да адваротнай часавай перспектывы, калі аб’ект прымае аблічча далёкага мінулага, у якім са здзіўленнем заўважаеш асобныя сучасныя рысы…”.

Работы Сяргея падпарадкоўваюцца традыцыйным крытэрам мастацкасці з дапамогай выкарыстанай тэхнікі здымкі, паказваюць нам рамантызаваны вобраз пакінутай вёскі, якая разбураецца, губляе свой уклад і паступова знікае ў смузе часу, набываючы настальгічныя, часам казачныя рысы. Дзе гэта месца на мапе, куды запрашае нас аўтар? У Сяргея настрой першасны, падабенства мясцовасці – другаснае. Серыя “Эцюды” паказвае нам абагуленыя вобразы вёскі, якая ня мае дакладнага адрасу.

На выставе прадстаўлена больш 20 работ. Друк фотаздымкаў выкананы з выкарыстаннем галерэйных матэрыялаў архіўнай якасці, якія гарантуюць захаванасць адбіткаў да 150 гадоў. Усе работы можна набыць. Выстава працягнецца да 9 верасня 2016 года.

Тэлефоны для даведак: +375 29 127-72-54, +375 29 217-70-91.

Расклад працы Этнацэнтра “Рагна”: штодня з 10:00 да 20:00, у нядзелю з 10:00 да 17:00.

Апублікавана

Рагна-стыль: выбар тыдня #11

Што важліва для бацькоў? Важліва, каб іх дзеткі былі здаровымі і цікаўнымі да жыцця.

А што важліва для саміх дзетак? Каб было весела і цікава, вядома! Развіваючыя гульні, цацкі, свісцёлкі здольныя зрабіць шчаслівымі і бацькоў, так і дзяцей!

Заходзьце на Ніжнюю краму Этнацэнтра РАГНА, у нас можна знайсці дзіцячую забаву на любы густ!

Толькі натуральныя матэрыялы, традыцыйныя і цікавыя формы для вашых дзетак ад нашых майстроў : )

Яшчэ больш тавараў для дзяцей шукайце па тэгу.


Дэталі падборкі шукайце ніжэй:

 

Апублікавана

Тэатральны праект Андрэя Саўчанкі «САД»

photo-55346957_42043981111, 12 і 13 ліпеня 2016
а 20-й
Этнацэнтр РАГНА (Караля, 22 / Сухая, 4)
Верхняя Крама
Тэатральны праект Андрэя Саўчанкі.
«САД»
монаперфоманс паводле п’есы Антона Чэхава «Вішнёвы сад»
Рэжысёр і актор Андрэй Саўчанка
Музыка Nicolas Jaar, Аляксандр Вярцінскі
Дызайн афішы Вольха Савіч.
Ідэя нарадзілася падчас Семінару для тэатральных выкладчыкаў і рэжысёраў у Берліне (даследчы цэнтр “AKT-ZENT”, прафесар Юры Альшыц)
Страчанае.
Сад. Памяць. Гісторыя.
Сам-насам з адзінотай, з набытым садам, са страчаным лёсам.
Пераасэнсаванне п’есы Антона Чэхава праз аднаго персанажа, аднаго актора, аднаго чалавека. Тэксты складаюцца ў асаблівыя шэрагі, ў бязгучныя чароды, ў маўклівыя рытуалы.
Абраная форма монаперфоманса дазваляе надаць дзее інтымны і сакральны характар, выкарыстаць нязвыклыя для класічнага твора прыёмы, стварыць асаблівы аўтарскі кантэкст.
Квіткі: 15 руб.
+375 29 1277254
+375 29 2177091
12,13 і 14 кожную раніцу з 8 да 11-й можна абмеркаваць спектакль за філіжанкай кавы, прыгатаванай Андрэем Саўчанкам у кавярні “Культура” на Незалежнасьці, 105

Апублікавана

Рагна-стыль: выбар тыдня #10

Сябры!

У гэтыя спякотныя дні прапаноўваем вам вырабы з натуральных матэрыялаў ад тутэйшых майстроў!

Арнаменальныя матывы як ніколі актуальныя ў гэтым сезоне, таму нашыя аксэсуары  выдатна дапоўняць любы вобраз, а таксама стануць выдатным падарункам сабе, і сябрам.

Усё гэта чакае вас на нашых Верхняй і Ніжняй крамах! Заходзьце!

Апублікавана

Рагна-стыль: выбар тыдня #9

Нарэшце да нас прыйшло сапраўднае лета!

Заставацца вытанчана жаноцкай і адначасова не спекчыся пад гарачым чэрвенскім сонцам у строгім офісным строі – няпростая задача! Усе стылісты ў адзін голас раюць у такой сітуацыі аддаваць перавагу якасным натуральным тканінам светлых адценняў.

Этнацэнтр РАГНА прапануе шырокі выбар жаночых льняных і баваўняных кашуль, спадніц і сукенак і арыгінальных аксесуараў ручнога вырабу.

Запрашаем на Ніжнюю і Верхнюю крамы!


Дэталі падборкі шукайце ў нашых крамах!