Апублікавана

Тэатральны праект Андрэя Саўчанкі «САД»

photo-55346957_42043981111, 12 і 13 ліпеня 2016
а 20-й
Этнацэнтр РАГНА (Караля, 22 / Сухая, 4)
Верхняя Крама
Тэатральны праект Андрэя Саўчанкі.
«САД»
монаперфоманс паводле п’есы Антона Чэхава «Вішнёвы сад»
Рэжысёр і актор Андрэй Саўчанка
Музыка Nicolas Jaar, Аляксандр Вярцінскі
Дызайн афішы Вольха Савіч.
Ідэя нарадзілася падчас Семінару для тэатральных выкладчыкаў і рэжысёраў у Берліне (даследчы цэнтр “AKT-ZENT”, прафесар Юры Альшыц)
Страчанае.
Сад. Памяць. Гісторыя.
Сам-насам з адзінотай, з набытым садам, са страчаным лёсам.
Пераасэнсаванне п’есы Антона Чэхава праз аднаго персанажа, аднаго актора, аднаго чалавека. Тэксты складаюцца ў асаблівыя шэрагі, ў бязгучныя чароды, ў маўклівыя рытуалы.
Абраная форма монаперфоманса дазваляе надаць дзее інтымны і сакральны характар, выкарыстаць нязвыклыя для класічнага твора прыёмы, стварыць асаблівы аўтарскі кантэкст.
Квіткі: 15 руб.
+375 29 1277254
+375 29 2177091
12,13 і 14 кожную раніцу з 8 да 11-й можна абмеркаваць спектакль за філіжанкай кавы, прыгатаванай Андрэем Саўчанкам у кавярні “Культура” на Незалежнасьці, 105

Апублікавана

Рагна-стыль: выбар тыдня #10

Сябры!

У гэтыя спякотныя дні прапаноўваем вам вырабы з натуральных матэрыялаў ад тутэйшых майстроў!

Арнаменальныя матывы як ніколі актуальныя ў гэтым сезоне, таму нашыя аксэсуары  выдатна дапоўняць любы вобраз, а таксама стануць выдатным падарункам сабе, і сябрам.

Усё гэта чакае вас на нашых Верхняй і Ніжняй крамах! Заходзьце!

Апублікавана

Рагна-стыль: выбар тыдня #9

Нарэшце да нас прыйшло сапраўднае лета!

Заставацца вытанчана жаноцкай і адначасова не спекчыся пад гарачым чэрвенскім сонцам у строгім офісным строі – няпростая задача! Усе стылісты ў адзін голас раюць у такой сітуацыі аддаваць перавагу якасным натуральным тканінам светлых адценняў.

Этнацэнтр РАГНА прапануе шырокі выбар жаночых льняных і баваўняных кашуль, спадніц і сукенак і арыгінальных аксесуараў ручнога вырабу.

Запрашаем на Ніжнюю і Верхнюю крамы!


Дэталі падборкі шукайце ў нашых крамах!

Апублікавана

Рагна-стыль: выбар тыдня #8

6.17_3

У Этнацэнтры РАГНА распусціліся валошкі!

У гэтым сезоне надзвычай моднай і папулярнай зрабілася тэма валошак. Адразу некалькі беларускіх дызайнераў выкарысталі матывы гэтых простых але вытанчаных палявых кветак у сваіх новых калекцыях. У нас Вы зможаце знайсці адзенне і аксесуары, упрыгожаныя актуальнымі ў гэтым сезоне вышыўкамі і арнаментамі з роднымі кветкамі.

Вытанчаны ці летуценны – стварайце свой непаўторны вобраз пры дамапозе арыгінальных аксесуараў і біжутэрыі ручной работы. Амаль кожны выраб робіцца ў адзіным асобніку, і Вы наўрад ці сустрэнеце сярод сябровак ці мінакоў на вуліцы нешта падобнае!

P.S.: Дарэчы, таксама ў нас Вы зможаце знайсці рэчы з серыі Limited Edition ад фірмы HONAR.


Дэталі падборкі Вы можаце лёгка знайсці ў нашых крамах:

Апублікавана

Рагна-стыль: выбар тыдня #7

Уяўляеце! Нядаўна мы заўважылі няладнае!Processed with VSCO

Калі зачыняюцца дзверы і гасне святло, у нашай краме пачынаюць дзеяцца дзівосы і цуды. Нашыя цацкі прачынаюцца і пачынаюць гаспадарыць на палічках, у кошыках і паўсюль, куды змогуць забрацца.
Спрабуюць разбегчыся і запаўзці ў самыя розныя куткі. Мядзьведзяняты імкнуцца знайсці мёд. І часам ім гэта ўдаецца! Спрытны кот нават паспеў налавіць драўляных рыбак і дражніць імі мясцовых сабак

Цудоўныя, мілыя і арыгінальныя цацкі, зробленыя ўручную беларускімі майстрамі з экалагічных матэрыялаў: воўны, паўвоўны, бавоўны і дрэва – чакаюць на новых гаспадароў на Ніжняй краме Этнацэнтра РАГНА.

Processed with VSCO


Дэталі падборкі як і заўжды шукайце ў спісе ніжэй і ў нашых афлайн-крамах: