Рэліз дакументальнага фільма “ПЕСНІ СТАРОЙ ЕЎРОПЫ – СТАРАЖЫТНЫЯ БЕЛАРУСКІЯ НАРОДНЫЯ ПЕСНІ”

З 11 траўня эксклюзіўна ў этнакраме РАГНА!

Рэліз поўнаметражнага дакументальнага фільма Волі Дземка аб знікаючых культурных традыцыях Беларусі “ПЕСНІ СТАРОЙ ЕЎРОПЫ – СТАРАЖЫТНЫЯ БЕЛАРУСКІЯ НАРОДНЫЯ ПЕСНІ”

DVD-дыгіпакі са стужкай і 7-старонкавым буклетам з інфармацыяй пра фільм і аўтэнтычных спевакоў і спявачак.


Этнографы і фалькларысты лічаць традыцыйныя спевы беларусаў найстаражытнейшымі песнямі на тэрыторыі Еўропы, і іх дагэтуль можна пачуць у беларускіх вёсках у аўтэнтычным выкананні. Беларусы валодаюць непараўнальным культурным багаццем. Падчас аднаго вяселля, якое магло доўжыцца два тыдні, ад сватання да святочнага застолля, выконвалася да пяцісот песен! На жаль, вельмі мала людзей нават у Беларусі ведаюць, наколькі старая і ўнікальная наша спеўная культура. Гэты неацэнны скарб сапраўды варты ўвагі і шанавання.

Тэма стужкі, як на сучаснага гледача, – даволі спецыфічная, але група пастаралася стварыць фільм дынамічны, інфармацыйны, насычаны яркімі колерамі і гукамі, прывабны для людзей розных густаў. У фільме прысутнічаюць унікальныя архіўныя кадры з пачатку і канца XX ст., экспедыцыйныя хронікі 1990-х гг., эпізоды рыцарскіх баталій і турніраў, знятыя на фестывалях сярэднявечнай культуры; ўсё гэта гарманічна паяднана з камп’ютарнай графікай і анімацыйнымі ўстаўкамі, а галоўнае – суправаджаецца якасна запісанай музыкай. Эксклюзіўныя інтэрв’ю для стужкі далі такія адмыслоўцы, як этнамузыколаг Тамара Варфаламеева, гісторык Сяргей Трацяк, музыкі Іван Кірчук і Алег Хаменка. У саўндтрэк фільма ўвайшло больш за сотню старажытных песен у выкананні як аўтэнтычных спевакоў, так і шырока вядомых у Беларусі і па-за межамі гуртоў – этна-трыа“Троіца”, Guda, Vuraj ды інш.

Трэйлер фільма:

АКЦЫЯ! З 20 па 25 сакавіка зніжкі на ўвесь асартымент 12%! 

Акцыя! У перыяд вясновага раўнадзенства, з 20 па 25 сакавіка, у Этнакраме РАГНА зніжка на ўвесь асартымент 12%! Запрашаем 🙂

А для атрымання зніжкі ў нэт-краме увядзіце прома-код viasna2018.

20 сакавіка наступіць дзень вясновага раўнадзенства, якое пазначае пачатак астранамічнай вясны. Па адной з версій, на раўнадзенства (ці ў дзень блізкі да яго) нашы продкі адзначалі Новы год. Існуе меркаванне, што на бліжэйшы да веснавога раўнадзенства маладзік прыпадала святкаванне Новага года.

У іншых індаеўрапейскіх народаў (напрыклад, у іранцаў-зараастрыйцаў) на раўнадзенства таксама святкуецца Новы год – Наўруз. Некаторыя элементы святкавання Наўруза супадаюць з беларускімі велікоднымі звычаямі (напрыклад, звычай фарбаваць яйкі).

Мяркуюць, што свята Вялікдзень першапачаткова было менавіта святам раўнадзенства, а пад уплывам хрысціянства стала рухомым і дапасавалася да Пасхі.

Святы сонечнага цыкла (прымеркаваныя да раўнадзенстваў і сонцастаянняў) ў беларускім народным календары пазначаюцца ўяўленнямі пра “ігру Сонца”. Увесну Сонца “іграе” на Благавешчанне (25 сакавіка) ці на Вялікдзень, што таксама можа паказываць на старажытную прымеркаванасць Вялікдня да вясновага раўнадзенства.

Вядома, што даты раўнадзенстваў і сонцастаянняў з часам змяняюцца ў календары. Напрыклад, Францыск Скарына адзначаў, што раўнадзенства – 10 сакавіка, а ў “Месяцаслове” (1680 г.) Сімяона Полацкага раўнадзенства пазначана пад 6 сакавіка.

У народным календары гэты час адпавядае перыяду гукання вясны. Найбольш значныя і блізкія да раўнадзенства святы – Саракі (22/9 сакавіка) і Благавешчанне (25 сакавіка / 7 красавіка). На свята “Абратанне/Аднойдзенне галавы Іаана Хрысціцеля” ( 9 сакавіка / 25 лютага), кажуць, мядзведзь паварочваецца на другі бок у бярлозе, а выходзіць адтуль на Саракі. У іншых мясцовасцях кажуць, што мядзведзь выходзіць з бярлогі напярэдадні (24 сакавіка / 6 красавіка) Благавешчання. У гонар гэтага вядома святкаванне Камаедзіцы.

Менавіта Саракі ў пэўны гістарычны перыяд лічыліся днём раўнадзенства. У народзе казалі: “На сорак мучанікаў дзень з ночаю мерыцца”. У некаторых рэгіёнах гэты дзень мог лічыцца пачаткам вясны: “Саракі гэта ўжо саўсім вясна”, “Кажуць, што вясна настае на Сарака папраўдзі, то тагды, калі салавейка запяе, да загрыміць з цёплым дожджыкам, да зелень зазелянее”.

На Саракі з Выраю пачынаюць вяртацца птушкі (у ліку першых – жаваронкі). У гэты дзень гукалі вясну, гушкаліся на арэлях, пяклі з цеста 40 “жаваронкаў” (часам клёцак, галушак) і назіралі за надвор’ем.

Велікодныя вербы ў Этнакраме РАГНА!

Сябры, набліжаецца Вялікдзень, свята ўрачыстае і радаснае! У храсціянскай традыцыі гэтае свята трактуецца як «пераход ад смерці да жыцця, ад зямлі да неба». І, як сімвал адраджэння, усе нясуць да храмаў вербныя галінкі.

А ці ведаеце вы, дзе самыя прыгожыя і незвычайныя вербныя галінкі можна знайсці ў Мінску? А мы ведаем дакладна! Гэта не проста вербныя пальмачкі, а сапраўдныя творы мастацтва, зробленыя з раслін і кветак, сабраных і пафарбаваных уручную гарадзенскімі майстрыцамі.
Створаныя кампазіцыі захапляюць сваёй эстэтычнай дасканаласцю, і адным сваім відам набліжаюць вясну!
Забягайце ў этнакраму Рагна і абірайце самыя прыгожыя, пакуль не размялі 😊🙂
Шукайце вербы ў краме, а таксама замаўляйце з дастаўкай у нашай інтэрнэт-краме!

 

Рагна-стыль: выбар тыдня #23

“Трымай галаву ў холадзе, а ногі ў цяпле” – казала бабуля і гладзіла па валасах.
А вось пра рукі нічога не казала. Але заўсёды ў сваіх кішэньках мы знаходзілі цёплыя і прыгожыя рукавічкі.

Гады ідуць, і цяпер мы самі сабе набываем рукавічкі, модныя, каб быць у трэндзе. Але ў душы хочацца ўсё тых жа цёплых зробленых і з любоўю, бабуліных.

І вось нам пашанцавала, мода цыклічная, рэтра вяртаецца! Таму прапануем вам завяршыць свой вобраз рукавічкамі, зробленымі з цеплынёй нашымі майстрамі для Вашых рук!


Дэталі гэтай падборкі:

А яшчэ больш рукавічак шукайце ТУТ

Паход у народ: лясная аптэка (11 лютага)

Усю нядзелю прысвяцім здароўю: прафесійны правізар раскажа пра карысць траваў і ігліцы для нашага імунітэту, навучыць выкарыстоўваць рэсурсы прыроды для аздараўлення і падзеліцца рэцэптамі фітакасметыкі!

Тэма здароўя — мабыць, адна з самых важных і актуальных сёння. Заўважылі, якімі частымі сталі выпадкі прастудаў і захворванняў апошнім часам? На сустрэчы з правізарам і спецыялістам па фітатэрапіі Вольгай Спірыдонавай вы даведаецеся, як з дапамогай зёлак умацоўваць імунітэт і эфектыўна лячыць прастуды ці іншыя захворванні, атрымаеце індывідуальную кансультацыю па пытаннях вашага здароўя. Прагуляецеся па Налібоцкай пушчы — адным з найстарэйшых участкаў лесу ў Беларусі, дзе даведаецеся пра карысць іглічных раслін, а ва ўтульнай сядзібе прыгатуеце набор фітакасметыкі, карысны кактэйль з ігліцы і смачную мядовую пасту на аснове зёлак!

Падрабязней ТУТ 

Кошт: 60 рублёў / асоба

Уключана ў кошт:
– праезд з Менску да сядзібы (Валожынскі раён) і назад;
– смачны абед у сябдзібе
– удзел у майстар-класе па фітакасметыке і ўвесь неабходны матэрыял;
– лекцыя і індывідуальная кансультацыя ад правізара.