Рагна-стыль: выбар тыдня #4

5.13

Шаноўныя сябры!

Выходныя – самы час, каб выйсці ў свет, паэксперыментаваць з вобразамі і пераўтварыцца ці то ў свецкую ільвіцу, ці то ў ласкавую хатнюю котачку.

З гэтай нагоды прапануем Вашай увазе мінімалістычны набор аксэсуараў ад Minsker’а, а таксама нашых майcтроў Алены Жаровінай і Алега Кротава.

Натуральная скура і метал створаны адно для аднаго! Завушніцы і заколка ювелірнай работы дададуць вытанчанасці вобразу.
Яны не застануцца незаўважанымі!


Дэталі падборкі можна знайсці ў нашай Ніжняй краме і на сайце:

Рагна-стыль: выбар тыдня #3

Processed with VSCO

Наша Вам “Смачна есці, добра сесці!”

Прапаноўваем асвяжыць Вашу кухню керамічным посудам і кухоннымі аксэсуарамі з дрэва і льну. Гэтыя рэчы будуць стыльным і нестандартным упрыгожваннем любой прасторы. Яны прынясуць Вам утульнасць і добры настрой!

Усе рэчы зробленыя з цяплом і клопатам нашымі майстрамі с:

Спадабаецца і Вам і Вашым гасцям!


Як і заўжды, усе дэталі падборкі можна набыць на нашых крамах!

Рагна-стыль: выбар тыдня #2

13120468_920368381416473_1231552523_o

Нарэшце сапраўдная вясна!

Рэчы ад дызайн-студыі Адліга глядзяцца стыльна, нечакана, а часам і правакацыйна. Яны гарантавана ўздымуць Вам настрой (:

У якасці дадаткаў да гарадскога луку прапануем аксэсуары ручной працы, а таксама арыгінальную скураную і драўляную біжутэрыю ад нашых майстроў.

Дарэчы, цікавыя цішоткі, лонгслівы і худзі на нашай Верхняй краме для сябе змогуць падабраць не толькі дзяўчаты – вялікая колькасць прынтоў у наяўнасці і ў мужчынскай версіі.

 

 


Усе дэталі вобразу можна набыць у нашых крамах:

Запрашаем на Інсталяцыю “Юр’я”!

photo19376858_410769156

Свята народнага календару, якое адзначаецца 23 красавіка (6 траўня ў праваслаўнай традыцыі) у гонар Юр’і – апякуна плоднасці і ўрадлівасці зямлі, статкаў, валадара ваўкоў, Боскага ключніка, які адмыкае зямлю і замыкае зіму. У народзе ўяўлялі Юр’ю на белым кані ў белым адзенні.

13078061_917187605067884_585675196_oСяляне просяць Юр’ю, каб той паспрыяў багатаму ўраджаю. З гэтай мэтай яны выходзяць з песнямі і ахвярнымі стравамі аглядаць свае зарунелыя палеткі. Гаспадар выносіць на поле каравай з леташняй мукі і глядзіць, ці закрыюць яго новыя парасткі. Гэта сведчыць аб тым, што сёлета ўраджай будзе ўдалым. Па канцах поля закопвалі косткі ад велікоднай стравы, каб не расло пустазелле, а на поўначы Беларусі ў цэнтры поля ставілі асвячоную вярбу як абярэг ад маланкі.

photo19376858_411608942

 

 

 

З Юр’ем таксама звязваецца і першы выпас скаціны. Стараюцца выгнаць яе як мага раней, каб жывёлы пачаставаліся травой з юр’еўскай расой, што забяспечвае ім здароўе і плоднасць. Часам і самі людзі качаюцца ў ранішняй расе, каб атрымаць здароўе на цэлы год. Асабліва юр’еўская раса дапамагае пры захворванні вачэй.

 

13090831_917186665067978_1214650320_o

photo19376858_411598129 (1)

Перад парогам хлява закладаюць шматлікія абярэгі, каб абараніць жывёлу і забяспечыць ейнае вяртанне дамой — паяс, замок, ніты з кроснаў, яйка, сякеру і г.д. Юр’я замыкае пашчы ваўкам, але ў той жа час прызначае кожнаму драпежніку ягоную здабычу. Ад таго Юр’я лічыцца і ўладаром ваўкоў.

13062786_917188005067844_1244583930_o

13072278_917186745067970_1235641695_o

photo19376858_411598174

Густы юр’еўскі дождж таксама сведчыць аб тым, што вырасце густое вялікае жыта.

Прыходзьце паглядзець і прыняць удзел у абрадзе!

Уваход вольны! Мы Вас чакаем с:

Фота: Марыя Сцяпанава, Зміцер Кірэенка.

“20 крокаў да беларускай мовы”

Этнацэнтр Рагна рады паведаміць усім, што цяпер у нас можна прыдбаць новую кнігу ад аўтараў курсаў беларускай мовы “Мова Нанова” “20 крокаў да беларускай мовы”!

12970579_1026271494087463_1475226817_o

Гэты дапаможнік сапраўды здольны зрабіць вывучэнне мовы цікавай. Прычым аўтары прапаноўваюць вывучаць не акадэмічную мову, пабудаваную толькі на правілах, а жывую мову, сучасную, з рознымі лексічнымі варыяцыямі, слэнгавымі выразамі і нават сапраўднай беларускай лаянкай.

IMG_20160422_193815

Увесь матэр’ял з кнігі не раз быў адкатаны на курсах Мова Нанова, таму можна сказаць, што ён прайшоў “краш-тэст”, і прайшоў выдатна.
Навуковы рэдактар – доктар філалагічных навук Генадзь Цыхун.
Дызайн Насты Арайс.
Арыгінальныя ілюстрацыі мастака Рамана Шыка.
Смела прыходзім, набываем “20 крокаў да беларускай мовы” і проста пачынаем размаўляць)

Замовіць кнігу можна тут: