“20 крокаў да беларускай мовы”

Этнацэнтр Рагна рады паведаміць усім, што цяпер у нас можна прыдбаць новую кнігу ад аўтараў курсаў беларускай мовы “Мова Нанова” “20 крокаў да беларускай мовы”!

12970579_1026271494087463_1475226817_o

Гэты дапаможнік сапраўды здольны зрабіць вывучэнне мовы цікавай. Прычым аўтары прапаноўваюць вывучаць не акадэмічную мову, пабудаваную толькі на правілах, а жывую мову, сучасную, з рознымі лексічнымі варыяцыямі, слэнгавымі выразамі і нават сапраўднай беларускай лаянкай.

IMG_20160422_193815

Увесь матэр’ял з кнігі не раз быў адкатаны на курсах Мова Нанова, таму можна сказаць, што ён прайшоў “краш-тэст”, і прайшоў выдатна.
Навуковы рэдактар – доктар філалагічных навук Генадзь Цыхун.
Дызайн Насты Арайс.
Арыгінальныя ілюстрацыі мастака Рамана Шыка.
Смела прыходзім, набываем “20 крокаў да беларускай мовы” і проста пачынаем размаўляць)

Замовіць кнігу можна тут:

Рагна-стыль: выбар тыдня #1

13072111_915445818575396_1662568188_oЛета блізка!

Льняная сукенка ад фірмы HONAR – выдатнае спалучэнне стылю, вытанчанасці і камфорту.

Дапоўніць вобраз Вам дапамогуць арыгінальныя біжутэрыя і аксэсуары ад нашых майстроў.

Засяродзьце ўвагу на дэталях. Яны дапамогуць зрабіць Ваш выгляд больш урачыстым ці дададуць цікавасці штодзённаму офіснаму луку!

 

 

 

 

 

 


Усе дэталі вобразу Вы можаце знайсці і набыць у крамах Этнацэнтру:

Велікодныя вербы ў Этнакраме РАГНА!

Велікодныя вербы гарадзенскага і віленскага кшталтаў!
Вербныя галінкі, дэкарыраваныя зёлкамі і кветкамі, рыхтуюцца да Вербнай (Пальмавай) нядзелі, якая адзначаецца за тыдзень да Вялікадня (Пасхі).
Стваральніца гэтай прыгажосьці – майстрыха з Гародні Данута Альшэўская, дачка Дамініка, з дому Сарасек, якая нарадзілася ў 1933 г.н. Маці навучыла яе гэтаму мастацтву ў шасьцігадовым узросце, і па сёньня яна працягвае гэтую традыцыю)

Шукайце вербы ў краме!


Вербы. Майстар: Данута Альшэўская (Сарасек)Вербы. Майстар: Данута Альшэўская (Сарасек) Плоскія “Гарадзенскія” вербыПлоскія “Гарадзенскія” вербыВербы. Майстар: Данута Альшэўская (Сарасек)
Круглыя "Віленскія" вербы Круглыя "Віленскія" вербыВербы. Майстар: Данута Альшэўская (Сарасек)Плоскія “Гарадзенскія” вербы
Круглыя "Віленскія" вербы
Круглыя "Віленскія" вербы

Інсталяцыя “Сусветнае дрэва” працягваецца да 26 сакавіка!

У беларускіх замовах, каляндарна-абрадавых песнях, загадках і казках выразна прасочваецца вобраз, які сёння прынята называць “Сусветным Дрэвам”. Гэты вобраз прысутнічае ў міфалогіі індаеўрапейскіх народаў. Гэтае дрэва не толькі пазначае сімвалічны цэнтр Свету, але і з’яўляецца воссю ўсёй светабудовы. Гэтае дрэва ўтрымлівае і злучае тры ўзроўні Сусвету: падземны свет, зямлю, неба. Яно сімвалізуе не толькі еднасць прасторы, але і часу: карані/мінулае/продкі – ствол/наш час/сучаснікі – карона/будучыня/нашчадкі. Каляндарны год таксама мог уяўляцца ў вобразе Сусветнага Дрэва: “Стаіць дуб у чыстым полі, а на ім дванаццаць голляў, а на голлях, як заўсёды, пяцьдзесят і два гнязды. Па сем яек там ляжыць”.

3

Сусветным Дрэвам звычайна лічыцца дуб, явар, вярба. У беларускіх міфалагічных уяўленнях Сусветнае Дрэва можа расці на выспе, якая стаіць пасярод мора (акіяну), у чыстым полі, на гары. Паводле загадак, на вяршыне дрэва размясцілася птушка – Сонца, а ў валачобных песнях гаворыцца, што на галінах гараць свечы (зоркі). У галінах Сусветнага Дрэва знаходзіцца Птушыны Вырай, а ў каранях – Змяіны. На ствале дрэва размяшчаюцца пчолы. Увосень птушкі ляцелі па Птушыным Шляху, а змеі на чале з Вужыным Царом, на галаве якога была карона-рожкі, выпраўляліся ў Вырай да вясны.

1

2

У сакавіку людзі пачыналі гукаць вясну. Цягам усяго перыяда гукання вясны адбывалася “адкрыццё зямлі”. Разам з зямлёй адмыкаўся Вырай: і птушкі (першымі жаваронкі), і змеі вярталіся ў гэты свет. Гэта ўсё сімвалізавала вызваленне і вяртанне жыццёвай сілы, пладавітасці і ўрадалівасці. Варта адзначыць, што ў вобразе птушак маглі ўвасабляцца душы памерлых продкаў, а хатніх вужоў называлі дамавікамі, што сведчыць аб іх сувязі з культам продкаў. Так, нібыта душы продкаў увесну вярталіся на зямлю да нашчадкаў. Невыпадкова верылі, што бусел прыносіць дзяцей.

4

Увесну ў шматлікіх індаеўрапейскіх народаў існаваў звычай усталёўваць так званае “Майскае дрэва”, якое сімвалізавала Дрэва Сусвету. Гэты звычай, як і напрыклад усталяванне на Купалле слупа, меў на мэце сімвалічнае падтрыманне светабудовы і касмічнага парадку.

Ідэі і стваральнікі: Ігар Міхна, Зміцер Кірэенка, Валянціна Лойка, Юры Міхно.


Прыходзьце паглядзець! Верхняя крама. Імпрэзавая заля. 

5

6

7

8