Пра нас

Наша крама ўпершыню адчыніла дзверы 1 жніўня 2013 года і была першай этнакрамай у Беларусі. Тут прадаюцца рэчы ад лепшых беларускіх майстроў і вытворцаў для ўсіх зацікаўленых тутэйшым этнастылем.

Мы – незалежны праект, не маем знешняга фінансавання і не атрымліваем грантаў.
У краме працуе ўсяго 3 чалавекі 🙂 Але часта ў працэсе рэалізацыі ідэй прымаюць удзел нашы адданыя і таленавітыя сябры з усёй Беларусі. Мы заўжды вельмі зацікаўленыя ў валанцёрскай падтрымцы. Калі Вас цікавіць магчымасць супрацоўніцтва — напішыце нам!

Мы імкнемся не проста прадаваць рэчы, а шукаем і ствараем сучасныя формы, разуменне этнастылю і беларускай айдэнтыкі. Адна з нашых мэт — забяспечыць прысутнасць сімвалаў і знакаў нашага народу ў жыцці людзей і ў звычайны дзень, і ў свята.

Наш асартымент — гэта простыя спажывецкія рэчы, арыгінальныя і ўнікальныя сувеніры і падарункі ў беларускім этнастылі.

Кожны тавар мы адбіраем на падставе традыцыйнасці, экалагічнасці і эстэтыкі. Таксама адным з галоўных крытэраў з’яўляецца функцыянальнась.

Не забываем пра традыцыі нашых продкаў і нагадваем пра іх тым, хто забыў.


Дзякуй, што падтрымліваеце нас! Разам мы ствараем рэчы, што маюць сэнс!

Кошык

0

У кошыку пакуль нічога няма.