Футболка жаночая“Лунніца”

27.00 руб.

Clear
Артыкул: N/A Катэгорыя: Тэгі: , ,

Апісанне тавара

Лунніца – адзін з самых распаўсюджаных відаў абярэгаў, якія былі вядомы нашым продкам напрацягу стагоддзяў. У часы Сярэднявечча яны былі асабліва распаўсюджаны ў X–XIII стагоддзях. Лунніцы ўваходзілі ў склад жаночага строя і з’яўляліся тыповым жаночым абярэгам. Менавіта таму мы сёння прапануем яе выяву на жаночым адзенні.

Вядома вялікая колькасць формаў лунніц, у аснове якіх ляжыць вобраз Месяца рогамі долу, што было абумоўлена спосабам нашэння. Абярэг адлюстроўвае шанаванне Месяца, лунарны культ, які непарыўна быў звязаны з культам урадлівасці. Лунніца сімвалізуе ідэю змены, росту і ўрадлівасці і плоднасці.

Лічыцца, што пакланенне Месяцу больш старажытнае, чым Сонцу, і сягае да часоў індаеўрапейскага адзінства, пра што сведчыць агульная для ўсіх індаеўрапейскіх моў назва свяціла. Асаблівасці руху Месяца па небе спарадзілі саму ідэю каляндарнасці.

Арнаментальныя аздабленні лунніц даволі часта ў сімвалічнай форме пазначаюць змену квадраў Месяца. Выява зменаў свяціла ад маладзіка да ветаха можна паспрабаваць растлумачыць ідэяй пра тое, што жанчына знаходзіцца пад аховай Месяца ўвесь час.

Акрамя таго, да Месяца звяртаюцца ў шматлікіх лекавых замовах і ў час рытуальных дзеянняў з надзеяй на дапамогу ў пазбаўленні ад хваробаў.

Паводле народных вераванняў, менавіта Месяц уплывае на рост і развіццё раслін. Сельскагаспадарчыя працы і сёння маюць прывязку да квадраў Месяца. Адначаецца ў народзе і ўплыў Месяц на надвор’е, што адлюстравалася ў шматлікіх прыкметах і павер’ях.

У традыцыйныя уяўленнях Месяц (муж), Сонца (жонка) і зоркі (дзеці) ўтвараюць ідэальную “нябесную сям’ю”, якая ўдзельнічае ў фармаванні Сусветнага парадку. У час вяселля да Месяца і Сонца звяртаюцца па блаславенне і асвячэнне шлюбу.

Лунніцы магчыма разглядаць у якасці абярэга, які захоўвае жаночае здароўе і прадухіляе хваробы, абараняе ад розных бед, шкоднага ўздзення і сурокаў. На Месяц спадзяюцца ў спрыянні любоўным і сямейным справам.

Шматлікія праявы старажытнага культу Месяца дагэтуль захоўваюцца ў сучасным грамадстве не толькі сярод вяскоўцаў, але і гараджан. Месяц штодзень змяняецца, перыядычна абнаўляецца, увасабляючы цыклічнасць часу і працяг жыцця. Міф жыве!