Газета “Гоман Барысаўшчыны” №6-8(231-233)

0.85 руб.

Апісанне тавара

Асноўныя матэрыялы газеты “Гоман Барысаўшчыны” №6-8(231-233):

– “Дарогі Барысаўшчыны на пачатку ХХ стагоддзя”. Распавядаецца пра тое, што ўяўлялі
сабой дарогі на Барысаўшчыне больш за сто год таму, прыводзяцца звесткі пра лёс і дзейнасць
у краі тэхніка-будаўніка Мацвея Бычкоўскага. Друкуецца шмат унікальных фотаздымкаў
пачатку ХХ стагоддзя, якія адлюстроўваюць стан тагачасных дарог, тэхналогіі іх будаўніцтва,
інжынерныя дарожныя збудаванні, у тым ліку і развадныя масты ў Барысаве;
– “Замалёўкі з жыцця Барысаўшчыны. 1847 год. Рамонт Барысаўскага касцёла”. На
прыкладзе падзеяў, што адбываліся ў 1847 годзе, распавядаецца пра юрыдычныя ўмовы, у якіх
дзейнічала каталіцтва на Барысаўшчыне ў часы Расійскай імперыі. Пра неабходнасць яму мець
адсутнасці пярэчанняў на такія свае дзеянні, як рамонт уласнага касцёла, з боку праваслаўнай
царквы;
– “Князь-камень: пра што сведчаць знакі”. Распавядаецца пра Князь-камень, што
знаходзіцца недалёка ад вёскі Беразоўшчына, знакі і надпісы, якія маюцца на ім, робіцца
спроба іх тлумачэння і расшыфроўкі.
“Год за годам (90-гадовая гісторыя СШ №1 горада Барысава ў біяграфіях настаўнікаў і
вучняў, у гісторыі эпохі”). Распавядаецца пра 1932-1933 навучальны год школы, яе
выпускнікоў і іх лёс;
– “Эканамічная гісторыя Барысаўскага рэгіёна і горада Барысава” (працяг). Распавядаецца
пра сельскагаспадарчую крэдытную кааперацыю ў сярэдзіне 20-х гадоў ХХ стагоддзя;
– “Невядомы штрых з даўняй справы”. Распавядаецца пра акалічнасці справы 1937 года,
калі барысавец піянер Меер Меркінд напісаў данос на свайго бацьку пра тое, што ён (па
словах Меера) займаецца крадзяжом з месца працы сацыялістычнай уласнасці. Гаворыцца пра
тое, якім чынам адпаведныя органы дамагліся ад Меера напісання гэтага даносу, якія
наступствы ён меў для яго і як склаўся яго лёс.
Акрамя таго, друкуюцца іншыя краязнаўчыя матэрыялы, экалагічная старонка, коратка –
пра бягучыя падзеі ў краі, працяг дзённіка паэта Леаніда Рашкоўскага (расповед у ім пра 60-я
гады ХХ стагоддзя) і іншыя матэрыялы.

Дадатковая інфармацыя

Матэрыял

Майстар / Вытворца