Ліхтарыкі керамічныя

12.00 руб.

У наяўнасці

Апісанне тавара

Ліхтарыкі-гаршчэчкі з’яўляюцца стылізацыяй гаршчка бронзавага века, які быў знойдзены каля в. Хадосавічы Рагачоўскага раёна ў кургане ярэднедняпроўскай археалагічнай культуры.
Гаршчкі часта сустракаюцца ў пахаваннях усіх часоў, бо гэты прадмет у пахавальнай абраднасці выступае як змесціва душы памерлага. На сімвалічным узроўні гаршчок прадстаўляў сабой чалавека – яго галаву і чэрава.
На тулаве ліхтарыка знаходзяцца выявы знакаў “Дзед” і “Баба”, якія сімвалізуюць продкаў, а таксама з’яўляюцца адмысловым зваротам да дзядоў, якія нам дапамагаюць і ахоўваюць нас. Накрыўка ліхтарыка мае стылізаваную выяву сонца (крыж у коле з прамянямі).
 
Гэты знак быў выяўлены на донцы дрыгавіцкага гаршчка ХІ-ХІІ стст., які археолагі знайшлі ў кургане каля в. Каласы Рагачоўскага раёна. Салярныя знакі часта сустракаюцца на кераміцы, у тым ліку ў курганах. Яны выконваюць ахоўныя функцыі, сімвалізуюць святло, жыццёвую сілу, ачышчальны вагонь, а таксама з’яўляюцца сімваламі руху і кругазвароту жыцця. Унутры ліхтарыка ставіцца свечка.
 
Ліхтарык можа гарэць на падваконніку, каб пазначаць продкам шлях. Таксама ён можа асвятляць стол на святочных вячэрах, і не толькі ў дні ўшанавання продкаў, але і на іншых сямейных і сяброўскіх ўрачыстасцях і святах.

Ліхтары могуць быць розных адценняў.