Калядныя падарункі!

Хо-хо!” – падумаў пэўна Святы Мікалай ці які Ёлоўпукі, гледзячы на снег за вакном – ”Вось і прыходзіць мой час!“
Хо-хо…” – думаем мы, чэшучы патыліцу і гледзячы на той жа снег у квадраце між фіранак – “Вось і прыйшоў час цёплых шкарпэтак і рукавічак, а яшчэ і калядныя святы не за гарамі, трэба падарункі шукаць…”
ХО-ХО!!!” – радасна гукае Этнакрама РАГНА – “А ў нас усё гэта ёсць для вас! Прыходзьце ўцяпляцца і закупацца незвычайнымі падарункамі! 😌

Наш святочны раздзел

Як Вы ўспрымаеце Каляды і калядаванне?

Набліжаюцца Каляды. Для кагосьці гэта важнае і чаканае свята, а хтосьці і зусім не святкуе. Тыя ж, хто святкуюць, часам робяць гэта ў розныя даты і па-рознаму, бо ёсць адрозненні ва ўспрыманні і адносінах да свята.

А як Вы ўспрымаеце Каляды і калядаванне?

Шчыры дзякуй за ўдзел у нашай апытанцы!

Рагна-стыль вяртаецца! Выбар тыдня #17 на Дзяды!

Дзяды. Колькі ў гэтым слове…

Гэта бабуля з вядром малака, якая выходзіць з хлява і ідзе па пратаптанай да акамянеласці зямлі двара. Гэта род, які зараз рэдка хто ведае далей трэццяга пакалення, але адчувае недзе глыбока пад рэбрамі. Гэта той досвед, які не перастае быць актуальным і праз 200-300 год, хоць наша жыццё зусім не падобнае да іх жыцця, дзядоў.

Мы мусім памятаць і шанаваць сваіх продкаў, а інакш хто мы, хіба сіроткі?..
Этнакрама РАГНА памятае і прапануе рэчы, якія не дадуць забыцца і вам. 🙂

Раім прачытаць наш мінулы артыкул: Што і як рабіць на Дзяды!

Дэталі падборкі – фірмовыя ліхтарыкі, торбы, “Дзядоўскія міскі”, вышытыя уручную “Памяткі”, што павязваюць на крыжы, а таксама шмат чаго іншага шукайце ніжэй!


Рагна-стыль: выбар тыдня #15 на Каляды!

Пачынаюцца Каляды!
Дзень пачынае дадаваць вагі, бадзёрасці і аптымізму)
Пара ўжо паклапаціцца пра зялёную прыгажуню!
У нашай краме вы можаце знайсці самыя разнастайныя елачныя цацкі, падарункі, а таксама іншыя патрэбныя для свята рэчы!
І ў наступным годзе таксама не маўчыце па-беларуску 😉


Усе дэталі падборкі шукайце ніжэй:

Елачныя цацкі ў падарунак на Каляды!

Сябры!
Набліжаецца калядны час, калі Іншасвет пачынаецца ледзь не за вокнамі! Этнакрама Рагна зычыць вам весела адкалядаваць і адсвяткаваць Новы год.

І з гэтай нагоды прапануе калекцыю елачных цацак “Каляды”.
Кожная цацка адлюстроўвае сабой адзін з тутэйшых калядных вобразаў і падкрэсліваецца зоркападобнымі сімваламі.

“Зорны” лейтматыў быў выбраны невыпадкова: менавіта ў зорах на Каляды хаваецца Вырай…
Памер: 5-9 см па большаму боку.