Анонс бліжэйшых падарожжаў па Беларусі з пректам “Паход у народ”!
7 чэрвеня: У пошуках менскага Эльдарада: сплаў-экскурсія па Свіслачы
У цэнтры мегаполіса, пасярод грувасткіх урбаністычных канструкцый, захаваліся дзівоснай прыгажосці рачныя берагі і зялёныя выспы. І тым прыгажэй яны, чым менш даступныя. Але не для нашай каманды!
“Kayak Minsk” разам з “Менскім велашпацырам” прапануе вам зірнуць на сталіцу з зусім нечаканага ракурсу – з водаў Свіслачы і Камсамольскага возера падчас першай воднай экскурсіі на байдарках! Менскі Эльдарада чакае сваіх неўтаймоўных даследчыкаў! Перад экскурсіяй прадугледжаны майстар-клас па веславанні на байдарках.
Кошт: 35 рублёў / асоба
Інфармацыя: +375 29 5588709
Імпрэза у ФБ: https://www.facebook.com/event
У ВК: https://vk.com/mienskeldarada
11 чэрвеня: Кавальства
У наступным падарожжы нас чакае вандроўка па абшарах Нарачанскага краю з яго чароўнымі блакітнымі азёрамі. Мы наведаем найбольш маляўнічую частку нацыянальнага парка Нарачанскі – экасцежку Блакітныя азёры (напэўна, вы бачылі фота возера ў форме сэрца? Так, гэта возера Балдук, на якое мы будзем глядзець з розных ракурсаў на працягу вандроўкі).
Але наша мэта – не толькі пераканацца ў прыгажосці нашай краіны, а яшчэ і атрымаць практычны досвед аднаго з народных рамёстваў. І зараз гэта кавальства!
Кавальскае рамяство заўсёды было акружана арэолам таямнічасці і загадкавасці, а каваля параўноўвалі з чараўніком, які валодае цудадзейнымі сакрэтамі апрацоўкі такога непадатлівага матэрыялу, як жалеза. Падарожжа на хутар Трабуцішкі дасць нам магчымасць пабачыць кавальскую майстэрню, каваля і яго абсталяванне. Мы распалім горан і паспрабуем зрабіць прыгожыя рэчы разам!
Падрабязней: http://walktofolk.tilda.ws/blacksmith
Паход у народ: Ельня
18 чэрвеня адбудзецца падарожжа ў дзіўнае месца Беларусі – балота Ельня. Нас чакае вельмі інтэрактыўная экскурсія – мы адправімся ў трохгадзінны паход па балоце ў балотаступах!
Вы даведаецеся шмат усяго цікавага пра жыццё “лёгкіх” Беларусі, прагуляецеся па балоце, рызыкняце паплаваць у мясцовых азёрах і завезяце дадому сувенір з воўны, зроблены сваімі рукамі
Падрабязней: http://walktofolk.tilda.ws/yelnyaby
Паход у народ: Хлеб
2 ліпеня адбудзецца паход у народ па хлеб! Дзень на маляўнічым хутары ў Валожынскім раёне будзе прысвечаны выпечцы хлеба. Вы даведаецеся аб усіх хітрасцях выпечкі гэтага каштоўнага прадукту: ад падрыхтоўкі цеста да гатовага хлеба. Дадому вы павезяце практычныя навыкі выпечкі (так, рэцэпт выдатна працуе з газавай духоўкай!), закваску ад гаспадыні і найсмачнейшы хлеб, які вы спечаце самі!
Падрабязней: http://walktofolk.tilda.ws/bread