У нас завязаліся цёплыя партнёрскія адносіны з рэстаранам беларускай і літвінскай кухні “Кухмістр”.
Гаспадары і каманда рэстарана натхнёна працуюць з усімі сваімі прадуктамі – і харчовымі, і інтэлектуальнымі 🙂
Напрыклад, супольна з фатографам Янінай Ваховіч быў ажыццёўлены творчы крэатыўны праект – падрыхтаваная і выпушчаная серыя сувенірных паштовак з выявамі некаторых фірмовых страў рэстарана. Серыя перавыдадзеная ўжо некалькі разоў.
Перед кулінарным ілюстратарам стаяла задача, адкінуўшы выпадковае і нехарактэрнае, выхапіць і выразіць самае важнае ў фірмовых стравах.
Напрыклад, у ілюстрацыі хітовага супу – крупніка з грыбамі, наўмысна выяўленыя тыя складнікі, якія зазвычай асядаюць на дне. Калі ласка, вось вам скрылькі варанай ялавічына і морквы — на паверхні.
А ў выяве татарскіх калдуноў стаяла задача па-мастацку паказаць вобраз беларуска-літоўскага татарына ў традыцыйным строі 19 стагоддзя – гэты вобраз быццам уецца ў воблаку пары, якая ўздымаецца над стравай.
Цікава, што кліентамі рэстарана асабліва запатрабаванай паслугай ёсць адпраўка проста з рэстарана маляўнічай паштоўкі з кулінарным сюжэтам сваім сябрам і сваякам. Згадзіцеся, звычайнае фота – гэта банальна, а вось падзяліцца аўтарскай кулінарнай ілюстрацыяй – азначае спыніць імгненне захаплення ў мітуслівым свеце.
Гэта вельмі выніковы і пазітыўны праект!
Запрашаем вас наведаць рэстаран “Кухмістр”, камфортна пабавіць час і атрымаць кулінарную асалоду! Да таго ж ва ўтульных скляпеннях рэстарана адбываюцца цікавыя нацыянальныя культурніцкія імпрэзы – праводзяцца традыцыйныя абрады, ладзяцца танцавальныя вечарыны і шмат цікавага іншага.
Мы будзем дзяліцца з вамі навінамі ад нашага партнёра – рэстарана “Кухмістр”.
