📖 У падмурку падання – старажытны індаеўрапейскі міф («Асноўны міф» індаеўрапейцаў), у якім ідзецца пра барацьбу Грымотніка (каваль-князь Радар) са Змеем (змей Крагавей). Гэтае супрацьстаянне і, адначасова, ўзаемадзеянне мае касмаганічны характар, парадкуе Свет і забяспечвае плоднасць зямлі.

🆎 Імя Радар, верагодна, паходзіць ад старабеларускага дзеяслова «радети», што значыць «дбаць, клапаціцца». Радар — той, хто клапоціцца, радзее. І сапраўды, ён абараніў сваіх людзей, упарадкаваў і ўзмацніў сваю зямлю.

⚒ Радар быў кавалём, а потым яго абралі князем. Калі на яго землі стаў нападаць змей, Радар пабудаваў каменную вежу (знакамітая Камянецкая вежа).

🖋 У час чарговага нападу князь прапанаваў Крагавею пралiзнуць тры дзверы вежы i з’есцi яго самога. Калi змей пралiзнуў дзверы, Радар учапiў яго за язык кляшчамi i пачаў бiць молатам, а ягоная дружына запрэгла змея ў саху. Радар пачаў араць на змеі, каб усталяваць мяжу ўладанняў, аднак ён здолеў вырвацца і ўцячы, але неўзабаве памёр у сваёй нары пад гарой.

📖 Гэтае народнае паданне тлумачыць ўзнікненне ракі Заходнi Буг і Камянецкай вежы. Акрамя таго, у пазнейшыя часы гэтым жа паданнем сталі тлумачыць з’яўленне мяжы з Польшчай, якая прайшла па Бугу.