Дыск «Рэкі прабілі лёд» выпусціла гуказапісвальная кампанія «Вігма» пры падтрымцы BMA Group.
На момант выхаду альбома ён быў першым беларускамоўным рэлізам у стылі post metal. У Беларусі дадзены кірунак толькі набірае абароты, хоць у Еўропе і ЗША такі мікс post rock і metal на сёння з’яўляецца ці ледзь не самым актуальным цягам, бо знаходзіцца на стыку мэйнстрыму і цяжкага року.
Для таго каб падрыхтаваць слухачоў да новай незвычайнага музычнаму вопыту, Re1ikt адздымалі і апублікавалі ў Інтэрнэце 2 кліпы на песні з новага альбома. Лірычная «3 хвіліны» напісаная ў духу саундрека да культавага амерыканскага тэлесерыяла «Твін пікс», а «Рэкі пад ільдом» – экспрэсіўная, заахвочвае да таго, каб змяніць сваё жыццё.
На дыску “Рэкі прабілі лёд” усяго толькі 7 кампазіцый і тут няправільна ўжываць слова “песень”. Кожны трэк мае даўжыню каля 10 хвілін і не менш за тры меладычныя часткі, кожная з якіх здольная быць асобнай кампазіцыяй.
Музыкі “Re1ikt” вырашылі пазбавіцца ад класічных формаў: куплет-прыпеў-куплет, такіх кампазіцый на дыску няма. Павольнасць і змрочнасць песень адразу ж прымушае спыніцца, сесці і ўважліва паслухаць. Больш за тое, трэкі змяняюцца абсалютна незаўважна, і не з-за свайго падабенства адзін да аднаго. Яны проста перацякаюць, і ў выніку ты атрымліваеш больш за гадзіну часу, праведзенага з заплюшчанымі вачыма.
Адзіная песня, якая відавочна выпадае з той самай канцэпцыі – “Рана на Івана”. Гэта перапрацоўка народнай “Ой, рана на Івана”, якую выконваў таксама і гурт “Песняры”. Але сказаць, што версіі зусім непадобныя, гэта нічога не сказаць. “Re1ikt” зрабіў з народнай песні сапраўдную амаль трынадцаціхвілінную метал-баладу.
Трэк-ЛІСТ:
- Рэкі Пад Ільдом
- Канцінуум
- Прыкметы
- Снег, Пясок Ды Соль
- Гадзіна Вырашыць
- Рана На Івана
- Тры хвіліны
