“Францыск Скарына і яго час” – другая на Беларусі персанальная энцыклапедыя, якая асвятляе асноўныя моманты жыцця і дзейнасці беларускага першадрукара і асветніка. Энцыклапедыя змяшчае 728 артыкулаў, прысвечаных скарынінскім выданням, папярэднікам і сучаснікам першадрукара, развіццю яго асветніцкіх традыцый, адлюстраванню вобраза Скарыны ў літаратуры і мастацтве, сацыяльна-палітычным умовам на Беларусі ў ХV-ХVІ ст. Выданне багата ілюстравана тэкстамі і гравюрамі Скарыны. У дадатку прыкладаецца карта Беларусі сярэдзіны ХVІ ст. аўтарства М. Спірыдонава
Мінск, Выдавецтва “Беларуская савецкая энцыклапедыя” імя Петруся Броўкі, 1988 г., 608 старонак, цвёрды пераплёт.
