На прынце – выявы ключоў, знойдзеных падчас археалагічных даследаванняў у розных рэгіёнах Беларусі, якія выраблялі аж у 11-15 стагоддзях 🔥
А таксама радкі з Юраўскай песні:
…Святы Юры, боскі ключнік, да ідзі ў поле да ў чыстае, адамкні зямлю, пусці расу на ту вясну да й мокрую…
Месцы і даты паходжання ключоў (на фотаздымку на мадэлі ад правай рукі да левай)
– Гальшаны, Ашмянскі раён, Гродненская вобласць, канец 14 – 15 стст.
– Беларусь, дакладнае месца невядомае, 14 – 15 стст.
– в. Дварчаны, Воранаўскі раён, Гродненская вобласць, 14 – 15 стст.
– в.Вензаўшчызна, Шчучынскі раён, Гродненская вобласць, 15 ст.
– Краснапольскі раён, Магілёўская вобласць, 11 – 12 стст.
– в. Пузелі, Воранаўскі раён, Гродненская вобласць, 14 ст.
– Гродненская вобласць, 14 – 15 стст.
Ключ – хатні абярэг, які бароніць ад зладзеяў і забяспечвае захаванасць уласнасці. Знак магічнага адмыкання і замыкання (зямлі, часу, стыхій, хвароб і г.д.), атрыбут магічнай улады многіх сакральных персанажаў. Выкарыстоўваўся пры варожбах і дапамагаў даведацца будучыню і разгадаць таямніцы. Знаходкі такіх абярэгаў у пахаваннях, меркавана, абумоўлены ідэяй адкрыцця іншасвету і замыкання зямного жыцця.