Газета “Гоман Барысаўшчыны” №11(248)

0.95 руб.

Асноўныя матэрыялы газеты “Гоман Барысаўшчыны”, №11(248):
– “Колькі і якіх свойскіх жывёл мелі тутэйшыя прыгонныя сяляне ў сярэдзіне ХІХ стагоддзя?”. На прыкладзе Старабарысаўскага маёнтка распавядаецца пра тое, якіх жывёлін трымалі тутэйшыя сяляне ў сярэдзіне ХІХ стагоддзя, колькі іх у сярэднім было з разлікам на адну гаспадарку;
– “Вуліца, па якой нельга праехаць”. Распавядаецца пра адну з вуліц старой часткі Барысава, па якой не толькі немагчыма праехаць, але, часам, і немагчыма прайсці;
– “Не забываць пра памятныя знакі”. Аналізуецца лёс асобных памятных шыльдаў Барысава, якія былі пашкоджаны вандаламі;
– “У гістарычным цэнтры Барысава прадаецца адзін з найбольш цікавых грамадскіх будынкаў канца ХІХ стагоддзя”. Нагадваецца пра тое, што зараз на продаж выстаўлены будынак былога вышэйшага пачатковага вучылішча. Распавядаецца пра гісторыю дадзенай навучальнай установы, тое, калі і пры якіх абставінах быў пабудаваны яго двухпавярховы цагляны будынак, што дайшоў да нашага часу;
– “Эпізод з біяграфіі маршала”. Распавядаецца пра тое, як маршал Г.Жукаў у Барысаве ў 1937 годзе выратаваў ад пагрозы быць рэпрэсаваным камандзіра дывізіі Васілія Белакоскава.
– “Год за годам (90-гадовая гісторыя СШ №1 горада Барысава ў біяграфіях настаўнікаў і вучняў, у гісторыі эпохі)”. Працягваецца расповед пра выпускнікоў апошняга перадваеннага навучальнага года ў школе, іх лёс;
– “Эканамічная гісторыя Барысаўскага рэгіёна і горада Барысава (з найстаражытных часоў да сучаснасці)”. Распавядаецца пра пэўныя моманты дзяржаўнай палітыкі ў сярэдзіне 20-х гадоў ХХ стагоддзя ў вобласці земляробства і жывёлагадоўлі;
– “Робскае”. Распавядаецца пра гісторыю былога засценка Робскае, які існаваў на Барысаўшчыне па меншай меры з 1670 года па сярэдзіну ХХ стагоддзя;
– “Легітымная хлусня”. Нагадваецца пра трагічны лёс дзяржаўнага дзеяча Аляксандра Хацкевіча (быў рэпрэсаваны ў 1937 годзе), распавядаецца пра супярэчнасці пры ўказанні ў афіцыйных дакументах даты яго смерці, тлумачыцца, чаму так адбылося;
– “Неафіцыйныя назвы частак Барысава ў назвах крамаў і іншых аб’ектў на вуліцах горада”. Прыводзяцца прыклады, калі неафіцыйныя назвы частак Барысава былі замацаваны ў назвах розных гарадскіх аб’ектаў.
Акрамя таго, друкуюцца іншыя краязнаўчыя матэрыялы, экалагічная старонка, коратка – пра бягучыя падзеі на Барысаўшчыне і іншыя матэрыялы.

Матэрыял

Майстар / Вытворца

Кошык

0

У кошыку пакуль нічога няма.