Газета “Гоман Барысаўшчыны” №10(247)

0.95 руб.

Асноўныя матэрыялы газеты “Гоман Барысаўшчыны” №10(247):

– “Вуліца Максіма Горкага”. Распавядаецца пра гісторыю адносна маладой вуліцы Барысава – вуліцы Максіма Горкага, якая мае ўзрост трошкі меней за 100 год;
– “Юбілей парка, якога няма”. Распавядаецца пра Шклозавадскі парк у Барысаве, які быў створаны ў 1959 годзе і ад якога ўжо даўно практычна нічога не захавалася;
– “Пушкіны і дантэсы”. Згадваюцца простыя людзі, якія з’яўляліся цёзкамі агульнавядомых людзей. Распавядаецца, як іх гучныя прозвішчы паўплывалі на іх лёсы ў часы сталінскіх рэпрэсій;
“Царква Кірыла і Мефодзія ў Сморках”. Распавядаецца, як і пры якіх абставінах у Сморках (Зорычах) у сярэдзіне ХІХ стагоддзя ўзнікла, акрамя прыходскай, прыпісная царква Кірыла і Мефодзія, як склаўся яе далейшы лёс;
– “Эканамічная гісторыя Барысаўскага рэгіёна і горада Барысава (з найстаражытных часоў да сучаснасці)”. Распавядаецца пра тое, якія грошы былі ў абароце на Барысаўшчыне ў сярэдзіне 20-х гадоў ХХ стагоддзя;
– “Год за годам (90-гадовая гісторыя СШ №1 горада Барысава ў біяграфіях настаўнікаў і вучняў, у гісторыі эпохі)”. Працягваецца расповед пра выпускнікоў апошняга перадваеннага навучальнага года ў школе, іх лёс;
– “Гарадскія плошчы ў старой частцы Барысава”. Барысаў у гістарычнай частцы зараз мае толькі адну плошчу. Аднак яшчэ ў ХІХ – пачатку ХХ стагоддзя іх было некалькі. Дзе яны знаходзіліся і што на тых месцах, зараз распавядаецца ў артыкуле;
– “Накал”. Распавядаецца пра гісторыю былога пасялення Накал, якое раней існавала на Барысаўшчыне;
– “Бясстрашны летуценнік з Мядоччыны”. Распавядаецца пра Браніслава Ржавуцкага, які нарадзіўся ў наваколлях вёскі Мётча, яго лёс. Пра тое, як ён, нягледзячы на рэпрэсіі, застаўся верным беларускасці і прыкладам у гэтай справе для іншых;
– “Помнікі Леніну на праспекце Рэвалюцыі”. Заканчэнне расповеду пра помнікі Леніну, якія стаялі ў Барысаве на праспекце Рэвалюцыі, пра тое, як і пры якіх абставінах яны паўставалі, хто быў іх аўтарамі;
Акрамя таго, друкуюцца іншыя краязнаўчыя матэрыялы, экалагічная старонка, коратка – пра бягучыя падзеі на Барысаўшчыне і іншыя матэрыялы.

Матэрыял

Майстар / Вытворца

Кошык

0

У кошыку пакуль нічога няма.