Газета “Гоман Барысаўшчыны” №3(240)

0.95 руб.

Асноўныя матэрыялы газеты “Гоман Барысаўшчыны”, №3(240):

– “У межах ахоўнай зоны Батарэй ідзе будаўніцтва”. Распавядаецца пра тое, як у
парушэнне ахоўнага будаўніцтва зараз у Барысаве распачалося будаўніцтва, якое нанясе
значную шкоду гэтай гісторыка-культурнай каштоўнасці;
– “Да 130-годдзя Васіля Самцэвіча”, “На перакрыжаванні юбілеяў. У матэрыялах ідзе
гаворка пра вядомага краязнаўца, педагога-наватара Васіля Самцэвіча і яго сувязь з
бібліятэчнай мясцовай сістэмай, якая адзначае ў гэтым месяцы сваё 100-годдзе;
– “Стварэнне Варварынскай царквы ў Забашавічах. Як гэта было”. Распавядаецца пра тое,
чаму, калі і пры якіх абставінах у Забашавічах каля Пакроўскай царквы была пабудавана яшчэ
адна – Варварынская;
– “Шпіёны” з Дзедзелавіч”. Прыводзіцца спіс бязвінна рэпрэсаваных у сталінскія часы і
потым апраўданых жыхароў вёскі Дзедзелавічы, уздымаецца пытанне неабходнасці
ўшанавання іх памяці;
– “Пешая экскурсія па міжваенным Барысаве. Прайдзіце яе і паглядзіце, як выглядала
тагачасная гарадская забудова”. Новабарысаў, як ніякі іншы горад Беларусі, мае шмат
характэрнай забудовы міжваеннага часу. Прычым месцамі ў цэнтры гэтай часткі горада
захавалася не асобныя тагачасная аб’екты, а комплексная забудова. Сёлета мяркуецца знесці
некалькі важных яе аб’ектаў. У сувязі з гэтым друкуецца падрабязнае апісанне экскурсійнага
маршруту дзеля агляду гарадской забудовы міжваеннага часу з указаннем асноўных аб’ектаў,
прыводзіцца план маршрута з нанесенымі аб’ектамі, распавядаецца пра гісторыю ўтварэння
вуліц па маршруце, іх гістарычныя назвы;
– “Год за годам (90-гадовая гісторыя СШ №1 горада Барысава ў біяграфіях настаўнікаў і
вучняў, у гісторыі эпохі)”. Друкуецца працяг расповеду пра выпускнікоў першай школы
Барысава 1939 года, іх лёс і ўмовы, у якіх яны жылі;
– “Суровая праўда”. Прыводзяцца ўспаміны Аляксандры Іванаўны Сталяровай, якія
распавядаюць пра складаныя часы нямецкай акупацыі Барысава, барацьбу з ёй, псіхалагічную
праблему, калі блізкага чалавека аб’яўляюць здраднікам Радзімы;
– “Небяспечная каштоўнасць”. Нагадваецца пра небяспечны стан аднаго з найбольш
цікавых помнікаў часоў канструктывізму ў Барысаве – Шухаўскую вежу;
– “Забытае невялікае пасяленне”. Распавядаецца пра хутар Гарадзішча (яго гісторыю,
жыхароў, паходжанне назвы), які існаваў да пачатку ХХ стагоддзя на Барысаўшчыне.
Акрамя таго, друкуюцца іншыя краязнаўчыя матэрыялы, экалагічная старонка, коратка –
пра бягучыя падзеі ў краі, працяг дзённіка паэта Леаніда Рашкоўскага (расповед у ім пра 1971
г.) і іншыя матэрыялы.

Матэрыял

Майстар / Вытворца

Кошык

0

У кошыку пакуль нічога няма.