Газета “Гоман Барысаўшчыны” №5-8(254-257)

0.95 руб.

Няма ў наяўнасці

Асноўныя матэрыялы газеты “Гоман Барысаўшчыны”, №5-8(254-257):

– “Гара: вядомая вёска з невядомай гісторыяй”. Распавядаецца пра гісторыю вёскі Гара, вытворчасці, якія існавалі ў ёй у ХVІІІ – ХХ стагоддзях, іншыя адметныя аб’екты. Прыводзяцца гісторыі, якія адбываліся ў вёсцы ў мінулыя стагоддзі і тое, што засталося ў ёй зараз ад яе багатай мінуўшчыны.

– “Артыст”. Распавядаецца пра заслужанага артыста БССР Аляксея Яфрэменку (1910-1977), які сваю дзейнасць у якасці артыста распачаў у 1935 годзе ў Барысаве.

– “Вуліца Гогаля”. Распавядаецца пра гісторыю вуліцы Гогаля ў Барысаве, якая праходзіць па тэрыторыі былога замка.

– “Медыцына Барысава 150 год таму”. Распавядаецца пра тое, якія медыцынскія ўстановы і пасады спецыялістаў гэтага профілю існавалі ў Барысаве ў 1870 годзе, тых, хто іх займаў.

– “Калі ў Барысаве з’явіўся тэлефон?” Згадваецца факт, што ў 2018 годзе ў Барысаве адзначалася 110-годдзе тэлефоннай сувязі. На самой справе тэлефонная сувязь у Барысаве з’явілася ў 1899 годзе.

– “Год за годам (90-гадовая гісторыя СШ №1 горада Барысава ў біяграфіях настаўнікаў і вучняў, у гісторыі эпохі)”. Распавядаецца пра тых, хто вучыўся ў школе пасля вызвалення.

– “Эканамічная гісторыя Барысаўскага рэгіёна і горада Барысава (з найстаражытных часоў да сучаснасці)”. Распавядаецца пра калектыўныя формы гаспадарання ў вёсках краю ў 20-я гады ХХ стагоддзя.

– “Працяг гутаркі. Пэўныя меркаванні на актуальную тэму”. Працягваецца абмеркаванне пытання вызначэння месца правядзення масавых расстрэлаў і пахаванняў ахвяраў палітычных рэпрэсій на Батарэях у першыя дзесяцігоддзі савецкай улады.

– “Пра што расказала фатаграфія”. Прыводзіцца рэдкі здымак (зроблены ў Барысаве напрыканцы 1941 – на пачатку 1942 года) і ўспаміны, якія звязаны з ім.

Акрамя таго, прыводзяцца іншыя краязнаўчыя матэрыялы, экалагічная старонка, коратка – пра бягучыя падзеі на Барысаўшчыне і іншыя матэрыялы.

Матэрыял

Майстар / Вытворца

Кошык

0

У кошыку пакуль нічога няма.