Газета “Гоман Барысаўшчыны” №2 (251)

0.95 руб.

Асноўныя матэрыялы газеты “Гоман Барысаўшчыны” №2 (251):

– “Былая вёска Юшкевічы”. Распавядаецца пра ўскраіну Барысава – былую вёску Юшкевічы, гісторыя якой налічвае не адно стагоддзе. Прыводзіцца здымак 50-х гадоў ХХ стагоддзя, на якім бачна былая вясковая царква (раней падобныя здымкі былі невядомы), шэраг тагачасных дакументаў, якія распавядаюць пра забытыя старонкі тагачаснага жыцця тутэйшых сялянаў.

– “Непрывабная гісторыя”. Распавядаецца пра тое, што ніводны будынак з былых сінагог, што захаваліся ў Барысаве, не знаходзіцца пад аховай дзяржавы. Тая ахоўная дошка, якая была ўстаноўлена на сінагозе Хеўрэ Тылім у 90-я гады ХХ стагоддзя і захоўвалася да нядаўняга часу, была знята.

– “Праўнук знакамітага графа”. Распавядаецца пра выхадца з Барысава Гары Вульфіуса, які быў узнагароджаны ордэнам Чырвонага Сцяга, прыводзяцца асобныя малавядомыя факты з яго радавода.

– “Год за годам (90-гадовая гісторыя СШ №1 горада Барысава ў біяграфіях настаўнікаў і вучняў, у гісторыі эпохі)”. Распавядаецца пра былых вучняў першай школы на пачатку нямецкай акупацыі Барысава. Шмат гаворыцца пра трагічны лёс іх часткі – яўрэяў.

– “Замалёўкі з жыцця Барысаўшчыны. У верасні 1863-а, альбо Таемнае таварыства ў Барысаве”. На падставе архіўных дадзеных распавядаецца, як у часы падаўлення вызваленчага паўстання 1863-64 гадоў у Барысаве тагачасныя мясцовыя сілавыя структуры выпадкова даведаліся пра чуткі, што ў Барысаве існуе нейкае тайнае таварыства супраць Урада, што паказала следства на гэты конт і якія былі яго вынікі.

– “Эканамічная гісторыя Барысаўскага рэгіёна і горада Барысава (з найстаражытных часоў да сучаснасці)”. Распавядаецца пра дзяржаўную палітыку ў 20-я гады ХХ стагоддзя ў дачыненні да лясных багаццяў і стаўленне да яе мясцовых сялянаў.

– “Прывіды” старых вуліц у сённяшнім Барысаве”. Распавядаецца пра такую з’яву ў мясцовай тапаніміцы, калі гістарычная назва старой вуліцы мяняецца ў адпаведнасці з ідэалогіяй часу на новыя, а праз пэўны час у іншым месцы горада зусім іншая вуліца атрымлівае тую самую старую назву.

– “Наш сялянскі хлопец”. Друкуецца пачатак невядомых раней успамінаў Апанаса Кавалёва, які нарадзіўся на Барысаўшчыне і ў даваенныя гады займаў высокія дзяржаўныя пасады ў БССР. У 1939 годзе быў рэпрэсаваны, пазней – рэабілітаваны.

Акрамя таго, прыводзяцца іншыя краязнаўчыя матэрыялы, экалагічная, літаратурная старонкі, коратка – пра бягучыя падзеі на Барысаўшчыне і іншыя матэрыялы.

Матэрыял

Майстар / Вытворца

Кошык

0

У кошыку пакуль нічога няма.