Газета “Гоман Барысаўшчыны” №9(258)

0.95 руб.

У наяўнасці

Асноўныя матэрыялы газеты “Гоман Барысаўшчыны”, №9(258):

– “У Барысаве ў любы момант можа быць знішчана гістарычна каштоўная жылая забудова ХІХ – першых дзесяцігоддзяў ХХ стагоддзя”. Распавядаецца пра тое, як у Барысаве пад прыкрыццём змагання з баракамі планамерна і мэтанакіравана вынішчаюцца жылыя збудаванні ХІХ – першай паловы ХХ стагоддзя.

– “Ці любім мы свой горад?”. Распавядаецца пра тое, як у Барысаве бяздумнымі перабудовамі і прыбудовамі губляецца першапачатковае аблічча гістарычнай забудовы ХІХ – пачатку ХХ стагоддзя.

– “Дарога, якая шмат што змяніла”. Распавядаецца, чаму, па меркаванні аўтара, за вядомы летапісны час пабудова менавіта трасы (зараз – Р67) найбольш паўплывала на мясцовасць, дзе прайшла і паставіла крыж на пасажырскіх перавозках па Бярэзіне ў краі.

– “Хто вучыў дзетак Барысава 150 год таму”. Распавядаецца, якія навучальныя ўстановы існавалі ў Барысаве ў 1870 годзе і хто ў іх выкладаў.

– “Страчаная забудова гістарычнага цэнтра Барысава. Частка 1”. Распачынаецца цыкл публікацый, у якіх распавядаецца пра тое, якая існавала гістарычная забудова (на пачатку ХХ стагоддзя) у тых месцах, дзе яна страчана. Прыводзіцца яе графічная рэканструкцыя. У першай публікацыі распавядаецца пра страчаную забудову па вуліцы ІІІ Інтэрнацыянала ля вуліцы Дзяржынскага насупраць базару.

– “Год за годам (90-гадовая гісторыя СШ №1 горада Барысава ў біяграфіях настаўнікаў і вучняў, у гісторыі эпохі)”. Распавядаецца пра першы пасляваенны навучальны год у школе, тых, хто ў ёй у гэты час працаваў.

– “Маеце жаданне за кароткі час атрымаць уяўленне пра Новабарысаў – прагуляйцеся па вуліцы Паштовай”. Распавядаецца пра гісторыю вуліцы Паштовай у Новабарысаве (адной з нямногіх, якая пачала фарміравацца ў ХІХ стагоддзі і захавала па наш час сваю гістарычную назву) і тое, што на ёй існуе адметнае (або тыповае).

– “Эканамічная гісторыя Барысаўскага рэгіёна і горада Барысава (з найстаражытных часоў да сучаснасці)”. Прыводзяцца прыклады “прамысловасці” ў сельскай мясцовасці Барысаўшчыны ў 20-я гады ХХ стагоддзя.

Акрамя таго, прыводзяцца іншыя краязнаўчыя матэрыялы, экалагічная старонка, коратка – пра бягучыя падзеі на Барысаўшчыне і іншыя матэрыялы.

Матэрыял

Майстар / Вытворца

Кошык

0

У кошыку пакуль нічога няма.