-8%

Калядны каляндар “Зімовыя святкі”

119.00 руб. 109.00 руб.

Катэгорыя: Тэг:

⭐ Першы тутэйшы Калядны Каляндар цяпер у наяўнасці ў нашай краме! ⭐

Каляды (Крывыя ці Святыя вечары, Святкі) – святочны перыяд, прымеркаваны да дня зімовага сонцастаяння. У сваім падмурку гэты час мае касмаганічныя і касмалагічныя сэнсы, а ў святочнай абраднасці пануюць матывы пачатку, абнаўлення свету, упарадкавання прасторы і часу. Менавіта таму ў час Святак адзначаецца Новы год.
Наш каляндар пакрывае ўвесь святочны перыяд і пазначае найбольш значныя кропкі гэтага часу.

🎄 Канцэпцыя Каляднага Календара ”Зімовыя святкі” стала вельмі ўдалым тутэйшым варыянтам адаптацыі шырокавядомай ідэі адвент-календара. Бо наш Каляндар утрымлівае найбольш значныя кропкі гэтага перыяду паводле тутэйшай традыцыі.

У наш час Каляды ці не самае любімае і чаканае народнае свята, да якога многія пачынаюць рыхтавацца загадзя: прыбіраць і аздабляць хату, выбіраць падарункі родным і сябрам. Навагодні звычай дарыць адзін аднаму падарункі паходзіць ад дароў, якімі надзяляюць калядоўшчыкаў. Яны ўвасабляюць гасцей з таго свету, якія ў Святыя вечары вандруюць па зямлі, нясуць людзям ад Бога долю і яе размяркоўваюць. Адорванне калядоўшчыкаў з’яўляецца неабходнай умовай атрымання сваёй долі па прынцыпе ўзаемаабмену.

Лічбы пазначаюць дні ў снежні і студзені, якія звязаны са Святкамі. Гэтыя найбольш важныя дні пазначаны адмысловымі сімваламі:
🌜 21 снежня – самы кароткі дзень і самая працяглая ноч у годзе, што пазначана сімвалам сонца, якое апусцілася пад зямлю;
🌛 22 снежня – пасля дня сонцастаяння сонца пачынае “расці”, а працягласць дня павялічвацца, пра што сведчыць знак узыходзячага сонца;
🐐 25 снежня – папярэднім вечарам, 24 снежня, пачынаецца святкаванне Першай Каляды, альбо Першай (Беднай) Куцці. У народнай традыцыі пачатак святкавання звязваецца са з’яўленнем на небе першай зоркі, сімвал якой пазначаны на календары. Паводле аднаго з запісаў, гэтая зорка звалася Каза (народная назва зоркі Capella ў сузор’і Вознік). Гэтая зорка – самая высокая і вельмі яркая зорка на калядным небе;
🎄 31 снежня – вечар гэтага дня вядомы як Другая Каляда, альбо Куцця. А таксама гэты святочны вечар вядомы пад назвай Шчадрэц. Менавіта гэтая дата сёння святкуецца як Новы год, сімвалам якога стала ялінка, як адна з праяваў вобраза Сусветнага Дрэва, якое злучае ўвесь Сусвет;
⭐ 7 студзеня – увечары 6 студзеня пачынае адзначацца апошні дзень зімовых Святак – Трэцяя Каляда, альбо Галодная (Водная) Куцця. У апошні калядны дзень у пэўных рэгіёнах было прынята маляваць на будынках выяву каня, якая сімвалізуе Каляду, якая ад’язджае на белым кані, што пазначае заканчэнне святочнага перыяда і спадзяванне сустрэць свята і адзначыць у наступным годзе.

Каляндар аздоблены выявамі некаторых персанажаў каляднага гурта: каза з каляднай зоркай, мядзведзь, воўк. Каза – найбольш папулярны калядны вобраз, які сімвалізуе ўрадлівасць, плоднасць, дабрабыт, прыбытак, багацце. Яна сімвалізуе смерць і адраджэнне прыроды, адпавядае вобразу боства, якое нараджаецца і памірае. Вобраз мядзведзя ў калядным гурце звязаны з ідэямі здароўя, сілы, плоднасці і багацця. У пэўнай ступені яго можна разглядаць і як духа дзікай прыроды, з якім трэба дамовіцца, каб жыць у ладзе на наступны год. Воўк сярод калядоўшчыкаў уяўляецца ахоўнікам ад ліха і ўсяго нядобрага, а на Каляды беларусы назіралі за ўзыходам Венеры, якую называлі Воўча звязда.

Над канцэпцыяй і рэалізацыяй календара працавала ўся наша вялікая каманда, і мы вельмі рады нарэшце яго анансаваць! Вялікі дзякуй усіх, хто прымаў удзел у рэалізацыі. Асобны дзякуй нашаму навуковаму кансультанту Змітру Скварчэўскаму.

🌱 Вялікі плюс нашага календара ў шматразовасці – яго можна выкарыстоўць штогод! Кожны выраб зроблены ўручную з натуральных матэрыялаў выдатнай майстаркай Ганнай Шчуко.

Прадаецца каляндар у камплекце з 20 малочнымі шакаладачкамі, аздобленымі каляднымі выявамі. Але не спыняйцеся на гэтым! Вы можаце напоўніць яго любымі рэчамі, якія пасуюць атрымальніку 😊 Гэта могуць быць калядныя смачнасці, елачныя цацкі, касметыка і іншыя прыемныя дробязі. Уключайце фантазію і паехалі радаваць блізкіх! ✨

Кошык

0

У кошыку пакуль нічога няма.