-20%

Кніга “Ад парога ў свет дарога”

13.92 руб. 11.14 руб.

У наяўнасці

Катэгорыя: Тэг:

Ад парога ў свет дарога: народныя прыкметы і павер’і.

Укладальнік: Уладзімір Васілевіч.

Мастак: Наталля Сухая. Мінск,

Мастацкая літаратура, 2017.

Гэтая кніга нікога не пакіне абыякавым: і таго, хто будуе хату, і таго, хто збіраецца ў дарогу. Завабіць “Ад парога ў свет дарога” і тых, хто любіць рыбу вудзіць альбо паляваць. Станецца яна цікавай і таму, хто займаецца агародніцтвам ці гадуе свінні ці каровы. А як і адно кот ці сабака ёсць – дык і таго досыць на павер’е. А ўжо вешчаванні надвор’я – і паводле агню і дыму, і паводле стану паводзінаў чалавека, і паводле стану дрэваў ды расьлінаў…

Ці ўсе прыкметы спраўджваюцца? Кожны можа спраўдзіць сам. Акурат як я чытала рукапіс, было задужа зімна, а тут павер’е: “каб маразы зменшыліся, пералічваюць уголас 12 лысых на імя і прозьвішча”. Паспрабавала ў Facebook у спадзеве на пацяпленне, пагатоў з іхнімі творамі заўжды цёпла: Кандрат Крапіва, Цішка Гартны, Усевалад Сцебурака, Якуб Колас, Зміцер Плакс, Навум Гальпяровіч, Павел Ляхновіч, Барыс Пятровіч, Аркадзь Куляшоў, Алесь Жук, Уладзімір Ягоўдзік, Алесь Разанаў. І насамрэч пацяплела…
А ўжо паэзіяй прасякнутая гэтая кніга навылёт. Уявіце толькі: “Гаспадыня, калі робіць квактусе гняздо і садзіць яе, увесь час застаецца ў белай (чыстай) адзежы, каб куркі вывеліся белыя; калі хоча атрымаць стракатых куранят, галаву ўпрыгожвае кветкамі”.

Альбо: “Той, хто вырабляе свечкі, павінен смяяцца, каб яскрава гарэлі”. І як тут было не засмяяцца, чытаючы рукапіс, каб кніга “Ад парога ў свет дарога” “яскрава гарэла” ў руках чытачоў. (Аксана Спрынчан)

Кошык

0

У кошыку пакуль нічога няма.