На старонках альбома «Беларусь» канцэнтравана падаецца найбольш важная інфармацыя пра нашу краіну.

Самыя значныя гістарычныя падзеі Беларусі коратка апісваюцца ў раздзеле «Гісторыя». У раздзеле «Народнае мастацтва» можна пазнаёміцца з саломапляценнем, ткацтвам, абразамі, іншымі творамі і вырабамі народных майстроў. Перліны дойлідства — Мірскі замак, касцёл Найсвяцейшага Божага Цела ў Нясвіжы, Камянецкая вежа, а таксама гісторыя беларускага дойлідства падаюцца ў раздзеле «Архітэктура». Непаўторныя краявіды, возера Нарач і рака Прыпяць, свет птушак і жывёл можна знайсці ў раздзеле «Прырода». Гісторыю і сённяшняе жыццё сталіцы Беларусі — горада Мінска можна прасачыць у аднайменным раздзеле «Мінск». Альбом будзе цікавы беларусам, але галоўная мэта яго стварэння — прэзентацыя Беларусі гасцям, для якіх гэтая кніга будзе выдатным падарунакам.

Альбом узнагароджаны дыпломам ІІ ступені на Беларускім рэспубліканскім конкурсе «Мастацтва кнігі – 2003».

На 48 старонках фармату А4 размяшчаюцца 77 ілюстрацый. Тэкст пададзены на беларускай і нямецкай мовах.

Аўтар і выдавец: Дзяніс Раманюк.