У беларускіх традыцыйных тэкстыльных вырабах вялікае значэнне мела афрамленне іх краёў. У ручніках і галаўных уборах ручніковага тыпу (намітках) краявыя швы звычайна прымянялі толькі на кароткіх краях для замацавання зрэзаў тканіны. А ў такіх кампанентах народнага касцюма, як кашулі і фартухі, афармленне краёў дэталяў вырабаў прысутнічала больш шырока і вылучалася вялікай разнастайнасцю.
Тэхналагічны дыяпазон афармлення краёў вельмі шырокі: ад простай падшыўкі падгіна да складаных па выкананні ажурных каёмак на дадатковых нітках і вузельчыкавых карункаў з махрамі. У дадзеным дапаможніку разглядаюцца найбольш распаўсюджаныя швы сярэдняй складанасці выканання. Як і ўсе швы ў традыцыйнай народнай вышыўцы, краявыя швы з’яўляюцца лікавымі, гэта значыць выконваюцца строга па ліку нітак тканіны.
Аўтар Г.Р.Рудніцкая, выдавецтва “Каўчэг”, 2025 г, 71 старонка.
Кніга "Гліняная казка. Ілюстраваны майстар-клас"