Кніга «Беларускія народныя строі»

41.55 руб.

Няма ў наяўнасці

На падставе шматгадовых экспедыцый і навуковых даследаванняў, праведзеных у 1960—1990-х гадах, Міхась Раманюк упершыню ў гісторыі Беларусі ажыццявіў сістэматызацыю і рэгіянаванне беларускага народнага адзення. Наступным вынікам гэтай працы стала стварэнне мастацка-графічных рэканструкцый, 62 з якіх пазней увайшлі ў альбом «Беларускія народныя строі». Выявы 34 строяў, падзеленыя на 7 рэгіёнаў, і рэгіянальная мапа падаюць суцэльную панараму вытанчанай прыгажосці, створанай беларускімі жанчынамі.

Альбом «Беларускія народныя строі» прафесара Міхася Раманюка прысвечаны аднаму з самых значных відаў народнай творчасці беларусаў — нацыянальнаму адзенню. Складаецца з уступнага тэксту аўтара і мастацка-графічных рэканструкцый, мае выключную эстэтычную і паліграфічную якасць, атрымаў наступныя ўзнагароды:
• Знак «За найлепшы дызайн кнігі 2003» Беларускага саюзу дызайнераў;
• Дыплом І ступені на Беларускім рэспубліканскім конкурсе «Мастацтва кнігі – 2004»;
• Дыплом ІІ ступені на Маскоўскім міжнародным конкурсе «Мастацтва кнігі – 2004» у •намінацыі «Трыумф»;
• Два дыпломы на Беларускім рэспубліканскім конкурсе «Мастацтва кнігі – 2004»: «За ўклад у захаванне духоўнай спадчыны» і «За высокую выдавецкую культуру».

Гарызантальны фармат А5, аб’ём 80 старонак, 62 рэпрадукцыі, срэбраны зрэз блока.

Выдадзены на беларускай, ангельскай, нямецкай і французскай мовах.

Aльбом « Беларускія народныя строі»
Аўтар: Міхась Раманюк
Укладальнік і мастак: Дзяніс Раманюк
Дзяніс Раманюк, 2003. Вільня
ISBN 9955-437-16-2

Памеры (Даўжыня х Шырыня х Вышыня) 21 × 15 cm
Майстар / Вытворца

Матэрыял

Кошык

0

У кошыку пакуль нічога няма.