Дапаможнік «Гарсэт, кабат, шнуроўка: безрукаўка ў беларускім народным адзенні» з’яўляецца другім выданнем серыі «Майстроўня». Матэрыялы, змешчаныя ў кнізе, раскрываюць лакальныя адметнасці безрукаўкі — адной з частак народнага касцюма беларускіх жанчын, якая значна ўплывала на яго агульны мастацка-пластычны вобраз. У кнізе даюцца схемы крою і кароткія апісанні аўтэнтычных безрукавак, якія дапамогуць пры стварэнні рэканструкцый традыцыйнага беларускага касцюма і мадэляванні адзення з элементамі народных строяў. Адрасуецца ўсім, хто цікавіцца традыцыйным беларускім касцюмам і дызайнам адзення.