Прыгажосць беларускай прыроды неаднойчы апісана ў літаратурных творах, але, на жаль, вельмі мала яе якасных адлюстраванняў у фатаграфіі. Дзяніс Раманюк больш за дзесяць гадоў плённа распрацоўвае тэму беларускага краявіду. Пабываўшы з фотаапаратам амаль ва ўсіх кутках Беларусі, фотамастак адзняў сотні стужак, якія захоўваюць чароўныя і бясконца прыгожыя відарысы прыроды.

Фотаальбом «Мой шлях Беларусь» атрымаў наступныя ўзнагароды:
• «Залаты фаліянт» пераможцы Нацыянальнага конкурсу «Мастацтва кнігі – 2008» у намінацыі «Найлепшы фотаальбом»;
• дыплом ІІІ ступені на V Маскоўскім міжнародным конкурсе «Мастацтва кнігі» дзяржаў — удзельніц СНД у намінацыі «Мая краіна».
За фотаздымкі да альбома аўтар атрымаў «Залаты фаліянт» пераможцы Нацыянальнага конкурсу «Мастацтва кнігі – 2008» у намінацыі «Найлепшы фотамастак».

Фотаальбом мае нестандартны фармат 31х29 см, аб’ём 96 старонак, 86 фотаздымкаў, на беларускай, ангельскай, нямецкай, рускай мовах.
Аўтар: Дзяніс Раманюк