У кнізе падаюцца ключавыя тэмы, ідэі і канцэпты традыцыйнага светапогляду беларусаў, якія ахопліваюць і ілюструюць:
 народныя ўяўленні аб паходжанні і будове свету
 аб чалавеку
 аб справядлівым грамадскім уладкаванні
 фундаментальных каштоўнасцях традыцыйнага грамадства беларусаў

 Цытата з “Прадмовы” да кнігі:
“… мала дзе, і нават у бліжэйшых суседзяў, існавала і яшчэ працягвае існаваць такая колькасць спецыяльна ўсталяваных і размеркаваных па порах года дзён, прызначаных для ўшанавання памяці продкаў. Наяўнасць культу продкаў археалагічна засведчана ўжо з эпохі неаліту (прыкладна 5-3-е тыс. да н.э.) …”

 Цытата з “Заключэння” да кнігі:
“Цэнтральнае месца ў беларускім традыцыйным соцыуме займаюць сям’я, род, шанаванне продкаў, а таксама шчыльна звязаны з сям’ёй канцэпт хаты як сацыяльнага мікракосму, дзе ўсё і ўсе маюць вызначаныя месцы і ролі”

Прызначана для вучоных-гуманітарыяў, а таксама для ўсіх, хто цікавіцца традыцыйнай духоўнай культурай беларусаў.

Трошкі бліжэй да Сонца, трошкі далей ад Месяца: беларуская народная філасофія. Т. В. Валодзіна, І. М. Дубянецкая, В. Б. Евароўскі, М. Б. Завадскі, А. А. Лазарэвіч, У. А. Лобач, І. М. Новік, А. А. Падалінская, С. І. Санько, Дз. В. Скварчэўскі. Укладанне і агульная рэдакцыя: І. М. Дубянецкая, С. І. Санько. Нацыянальная акадэмія навук Беларусі, Інстытут філасофіі.

Мінск, Беларуская навука, 2023, цвёрдая вокладка, 481 с.                                                                                              ISBN 978-985-08-2797-5.