Кніга “Тутэйшы дызайн. Асобы. Рэчы.” (у торбе-футарале)

72.00 руб.

Няма ў наяўнасці

Артыкул: 540.00.01 Катэгорыя: Тэгі: , ,

Даведнік. / Склалальнік і аўтар уступнага артыкулу Зміцер Сурскі. – Мінск: Беларускі саюз дызайнераў. 2016. – 548 с. : іл.

ISBN 978-985-6534-26-6

“Тутэйшы дызайн. Асобы. Рэчы” – гэта ілюстраваны даведнік, які прадстаўляе работы апошніх гадоў больш як 300 аўтараў у галіне дызайну. На старонках выдання прадстаўлены рэпрадукцыі работ і кароткія біяграфічныя звесткі пра архітэктараў, дызайнераў, куратараў, мастакоў, скульптараў, фатографаў. Важнае месца займае блок, прысвечаны «рэчам беларускім» – найбольш яркім, на думку складальнікаў, аб’ектам матэрыяльнай культуры, створаным у розныя часы на тэрыторыі Беларусі.

Кніга адрасаваная як прафесіяналам у галіне дызайну і выяўленчага мастацтва, так і шырокаму колу чытачоў.

Ад аўтара:
Вы маеце ў руках рэч… Сапраўдную вялікую кнігу. Чарговы выдавецкі праект беларускага саюза дызайнераў – вынік чатырохгадовай працы немалога кола людзей. І кніга – гэта толькі частка, і адначасова візітная картка яшчэ больш буйнога сеціўнага праекта, які прадстаўляе сучасны беларускі дызайн у больш шырокім разуменні. Як інструмент стварэння не толькі матэрыяльнай, але і духоўнай прасторы нашага быцця ў кантэксце гістарычнага развіцця, так бы мовіць, паралельнай рэчаіснасці – свету простых, а часам і мудрагелістых “рэчаў у сябе”, артэфактаў прамысловай, рамеснай і саматужнай вытворчасці ў межах сучаснай Беларусі.

Чым прыкметны і каштоўны гэты праект для нас?

Маштабнасцю: Пяцьсот з паловай поўнакаляровых старонак важкай аб’ёмнай кнігі. Больш за трыста прадстаўнікоў прафесіі з біяграфічнымі звесткамі і асабістымі кантактамі. Ёмістая анталогія беларускай рэчаіснасці, складзеная з дасціпных эсэ і арыгінальных ілюстрацый – як падмурак наступнага даследвання і збору для будучага музею дызайну.
Зместам: У каталозе пераканаўча прадстаўлены ўсе існыя накірункі дызайну, прадстаўленымі асобамі – ад заснавальнікаў і апалагетаў прафесіі, запатрабаваных практыкаў, да амбітных пачаткоўцаў. Упершыню ў беларускай гістарыяграфіі мы закранулі тэму матэрыяльнай культуры, звязанай са звычайнымі простымі рэчамі дзеля звычайных патрэбаў тутэйшых карыстальнікаў, якія сёння пераўтварыліся ў носьбітаў традыцыі, ментальнасці і культурнай ідэнтычнасці. Таму адначасова – гэта слоўнік аўтэнтычных беларускіх назваў і сучасных брэндаў.
Формай: Мы стварылі якасны дызайн для сябе. Што ні кажы, “маем рэч” – выкшталцоны зручны інструмент камунікацыі і рэкламы.

Свой праект мы не лічым вычарпальным, але ж прадстаўляем рэальную карціну існавання прафесіі па-за дзяржаўнымі інтарэсамі, якая, на дзіва, існуе самадастаткова і выглядае даволі прывабна.Таму мы разлічваем на развіццё праекту як галоўнай платформы для самаадзнакі, самаідэнтычнасці і прызнання нашай прафесійнай суполкі. Выказваю шчырую падзяку ўсім удзельнікам праекту за доўгацярплівасць, нашым спонсарам і рэкламадаўцам за фінансавую падтрымку, без якой праект быў бы немагчымым. Дзякуй усім, дзякуй, Краіна!

Зміцер Сурскі

Майстар / Вытворца

Кошык

0

У кошыку пакуль нічога няма.