Футболкі і світшоты “Кот” (8 мадэляў)

39.00 руб.69.00 руб.

скінуць вылучэнне

🐈 Мы ўсе прызвычаіліся лічыць, што ў свеце тутэйшай міфалогіі, калі ўзгадваюць пра жывёлаў, то найперш гавораць пра ваўка, мядзведзя, каня, быка, бусла ды іншых. Але ж нягледзячы на сваю значнасць, гэта далёка не ўсе міфалагізаваныя жывёлы і тым больш не самыя блізкія да чалавека. А ці ёсць хто бліжэй за ката для сённяшніх людзей, асабліва гарадскіх? І тут вы можаце спытаць у сябе, а як прадстаўлены кот у нашай міфалогіі? Наўрад ці акдаз будзе просты ды хуткі. Аднак насамрэч вобраз ката ў народнай традыцыі значны і насычаны сэнсамі.

🐈 Каты звязаны з ішасветам, таму ў пазнейшых вераваннях склалася негатыўнае стаўленне да іх з-за таго, што яны нібыта звязаны з “нячыстай сілай”, бо іх выгляд могуць прымаць чэрці, ведзьмы, чараўнікі. У то жа час, палескае паданне сцвярджае адваротнае, што кот утварыўся, каб схапіць чорта ў выглядзе мышы 🐭 Таксама кот мае судачыненне з дамавіком, такім чынам яны разам выступаюць як апякуны і сімвалы дома. Увогуле, у беларускім казках кот надзяляецца станоўчымі якасцямі, верны свайму гаспадару, якому дапамагае ў цяжкі час.

🐈 Больш за тое, адно з паданняў, запісаных на Гарадзеншчыне, распавядае, што чалавек быў створаны Богам пасля коціка па той прычыне, што яго не было каму песціць, і гэта стаў абавязак чалавека. Цяпер зразумела, чаму каты такія важныя і хто сапраўдны гаспадар у доме? 😹

🐈 Аднак самае галоўнае, пра што не трэба забывацца, гэта тое, что мы ўсе жывем на кацінай долі. Па ўсёй краіне распавядаюць паданні, як калісьці даўно жыта расло з коласам ад зямлі, альбо з некалькімі каласамі на сцяблінцы, усяго было багата, і людзі распесціліся, працавалі нядбайна, ляніліся, ставіліся да хлеба непаважліва ды яшчэ скрадзіліся на тое, што цяжка жаць каласы ад самай зямлі. У пакаранне за гэта Бог вырашыў знішчыць жыта. Тады ўжо да яго прыйшлі каты (ці разам каты і сабакі) і папрасілі, каб пакінуў хоць штосьці. Бог пашкадаваў катоў і пакінуў на сцяблінцы адзін кароткі каласок. Такім чынам, людзі ядуць хлеб, пакінуты Богам для катоў, таму мы і жывем на кацінай долі. З тым часоў пайшоў звычай, што катоў і сабак трэба карміць пярвей. І мы мусім не забываць пра гэта, шанаваць ды клапаціцца пра сваіх гадаванцаў.


Матэрыял

Майстар / Вытворца

Кошык

0

У кошыку пакуль нічога няма.