Ручная праца 

Гаючыя ўласцівасці вішнёвых костак вядомыя са старажытных часоў. Устаноўлена, што грэлкі з вішнёвымі косткамі добра дапамагаюць пры галаўных болях і болях у спіне, фізічным і эмацыйным перанапружанні, зубным болі, захворванні суставаў, спрыяюць паляпшэнню сну і настрою.

Грэлку можна нагрэць і выкарыстоўваць для сагравання, паслаблення напружаных цягліц, зняцця спастычных боляў і для масажу. Вельмі добра ўжываць пры коліках у дзяцей (прыкладаць да жывоціка). А як прыемна засыпаць у абдымку з цёплай цацкай! Нагрэць яе можна рознымі спосабамі – у мікрахвалёўцы, у духоўцы, на батарэі, на гарачым імбрычку ці вечку рондаля. Награваць ў мікрахвалёўцы трэба 1 хвіліну пры магутнасці 600 Вт, у духоўцы – 3-5 хвілін пры 150 градусах. Не перагрэйце!!!

Грэлку можна астудзіць, і тады вішнёвыя костачкі будуць трымаць холад і аказваць танізуючае і абязбольваючае дзеянне. Такая падушачка дапамагае зняць дрымотнасць, паменьшыць галаўны боль, а таксама боль пры траўмах і расцяжэннях. Для таго, каб астудзіць падушачку, пакладзіце яе ў пакет, а пакет у маразільную камеру хвілін на 45 або ў халодную пару года на балкон.

Пры пакаёвай тэмпературы вішнёвыя костачкі могуць прымяняцца для лёгкага масажу, выдатны антыстрэс 

Грэлка пашытая цалкам з натуральных матэрыялаў (бавоўна і лён), костачкі старанна апрацаваныя, прамытыя і пракаленыя, карыстайцеся на здароўе!