Для каго: для ўсіх! 🙋‍♀️🙋‍♂️
Тэхналогія друку: шаўкаграфія
Дызайнер: Тодар Кашкурэвіч

🐎 «В гербе муж збройный, на коню белом, в полю червоном, меч голый, як бы кого гонючы держал над головою, и есть оттоля названы «Погоня» – ужо палова тысячагоддзя мінула з таго часу, як летапісец занатаваў гэтыя радкі. Стагоддзі імчаць імкліва, змяняючы выгляд сімволікі, але назва і сэнс застаюцца нязменнымі. Бараніць сваё, гартаваць волю і дух 💪

🏰 Вобраз белага вершніка з узнятым мячом узыходзіць да старажытнай індаеўрапейскай міфалогіі. Невыпадкова «Пагоня» стала дзяржаўным гербам менавіта тады, калі Вялікае Княства Літоўскае захоўвала сваю дзядоўскую веру. Белы вершнік на белым кані з’яўляецца адным з багоў, найчасцей, Грымотнікам, ці нават самім вярхоўным Богам. Боскі вершнік – пасярэднік паміж небам і зямлёй, ахоўвае свет, перамагае сілы змроку і прыносіць святло новага дня ў самы жудасны час ночы.

У сваім глыбінным, пазачасавым сэнсе вобраз белага вершніка з узнятым мячом сімвалізуе высокародны ваярскі дух, волю і сілу, якія, як нябесны памагаты, прыходзяць у крытычны вырашальны момант у жыцці чалавека, грамадства ды ўсяго свету і спрыяюць станоўчаму зыходу ❤️