Ручная праца 🤲
Лунніца шыракарогая – падвеска ў выглядзе Месяца, якая адлюстроўвае ідэю ўрадлівасці і росту. Кропкі, якія ўтвараюць жаночы сімвал Трохкутнік, пазначаюць ваду, вільгаць і расу, якія надаюць рост усяму жывому і маюць гаючыя ўласцівасці. Рысачкі адлюстроўваюць змены квадраў Месяца. Абярэг забяспечвае здароўе і сілу сваёй гаспадыні.
Дакладная копія археалагічнай знаходкі з Магілёўскай вобласці, паходжанне датуецца 10 – 11 ст.ст.
Такі тып лунніц быў распаўсюджаны сярод усходніх славянаў.
______________________________________________________________________________
Лунніца з колавым арнаментам – жаночы абярэг, які звязаны з культам Месяца і адлюстроўвае ідэю змены, росту і ўрадлівасці. Сем кропак у цэнтры сімвалічна пазначаюць змену квадраў Месяца ад маладзіка да ветаха. Абярэг забяспечвае здароўе і моц сваёй гаспадыні.
Дакладная копія археалагічнай знаходкі з Магілёўскай вобласці, паходжанне датуецца 11-першай паловай 12 ст.ст.
Абярэг вядомы ўсходнім славянам.
