Ручная праца 🤲
Роўнабаковы нацельны Крыжык утрымлівае выявы сімвала засеянага поля – касы Крыжык з кропкамі ў сектарах. У шырокім сэнсе гэты знак мусіў забяспечыць урадлівасць усяго жывога, паспрыяць пладавітасці чалавека, захаванню яго жыццёвай энэргіі і рэпрадуктыўнай моцы. Дадзеная сімволіка таксама выкарыстоўвалася пры аздабленні адзення, хатніх вырабаў, культавых прадметаў і інш. Верагодна, Крыжык варта аднесці да жаночых абярэгаў.
Дакладная копія археалагічнай знаходкі з Нясвіжскага раёна Мінскай вобласці, паходжанне датуецца 11 – 13 стст.
