Ці чулі вы пра паноў Кубліцкага і Заблоцкага? Яны праелі, прагулялі ўсю сваю гаспадарку, а пасля сеялі рэпу, наседжвалі яйка з-пад Куры-Шчабятуры, змагаліся з Цмокам паганым ды траплялі ў іншыя гісторыі. Пра іх апавядаў аўтар гэтай кнігі ў дзвюх папярэдніх казачных аповесцях – “Прыгоды паноў Кубліцкага і Заблоцкага” і “Гаспадарка паноў Кубліцкага і Заблоцкага”. Цяпер маеце працяг дзівосных панскіх авантураў, дзе поўна неспадзяванак, гумару, вясёлых парадоксаў.
Аўтар Пятро Васючэнка, ілюстрацыі Крысціны Баранавай.
Мінск, Кнігазбор, 2018 г, 104 старонкі, цвёрды пераплёт.
