Зніжка!

Футболкі “Роднае гняздо” (2 мадэлі)

42.00 руб. 39.50 руб.

скінуць вылучэнне
Артыкул: N/A Катэгорыі: ,

Для каго: для ўсіх! 🙋‍♀️🙋‍♂️
Тэхналогія друку: прамы друк
Мадэль: прыталены і оверсайз
Дызайнер: Ганна Сілівончык

📜 “Жыў дзед з бабай…” – знаёмыя і блізкія ўсім нам словы з дзяцінства, якія адразу пераносяць у чароўны казачны свет. Моц гэтых словаў і вобразаў ажывае і калі мы распавядаем сваім дзеткам казкі, і калі нам іх распавядалі ў маленстве. І гэты незвычайны свет жыве не толькі казках, але і ў нашых успамінах: дзед з бабай, вясковая хата, лава ля брамы пад старым дрэвам ды вечаровая гамонка. Гэта быў найлепшы час і ўласны вырай, у які мы вяртаемся ў марах.

Гэта тая рэчаіснасць, якая многім добра вядома, аднак гэты вобраз насамрэч таксама ёсць сапраўдным архетыпам у тутэйшай міфалогіі: нашы продкі, Вырай, які выглядае сад і вясковая сядзіба, і дрэва, што злучае Сусвет. Душы дзядоў увасабляюцца ў птушках, якія ляцяць у Вырай па зорнай дарозе, і некалькі разоў у год прылятаюць адтуль у госці да сваіх нашчадкаў. Ды мы самі, нібы птушкі, пакідаем радавое гняздо, у якое ўвесь час імкнемся вяртацца і дзе нас заўжды чакаюць 🕊

🌳 Дрэва, якое злучае разам падзем’е, зямлю і неба, таксама сімвалізуе час і жыццё. У загадках дрэва ўвасабляе год, карані дрэва сімвалізуюць мінулае, а галінкі – будучыню. І зусім не дзіўна, што мы кажам пра сямейнае дрэва, дрэва роду. Як і словы з казкі, гэты вобраз нязменна жыве многія стагоддзі, бо ён сам у нашых каранях. Нашы дзяды з намі, падтрымліваюць і надаюць сілы заўсёды, а не толькі ў час Дзядоў. Мы і ёсць нашы дзяды, бо мы іх працяг, а з часам яшчэ будзем дзядамі нашых нашчадкаў.

✨ А пакуль льюцца словы старой казкі і мы зноў трапляем у чароўны свет: «Жыў дзед з бабай, і не было ў іх дзяцей. Неяк дзеду саснілася, што пайшоў ён у лес, назбіраў яек птушыных і вывеў дзяцей сабе…».

Майстар / Вытворца

Матэрыял

Кошык

0

У кошыку пакуль нічога няма.