Футболкі і світшоты “Ручнікі Беларусі”

50.00 руб.74.00 руб.

скінуць вылучэнне

Ручнік з геаметрычным арнаментам стаў адным з нацыянальных сімвалаў беларусаў. Ён паўстае сiмвалам адзiнства пэўнай групы людзей, сям’і, усяго роду. Гэта сімвалічны напамін аб нябачных сувязях, што знітоўваюць асобнага чалавека з Богам і продкамі

Арнамент гэта асэнсаванне рэчаiснасцi, мадэль свету нашых дзядоў, ручнік увасабляе прастору свету. Невыпадкова стварэнне свету ў беларускім традыцыйным светапоглядзе параўноўваецца з ткацтвам: «У панядзелак свет снаваўся…»

Кожны этнаграфічны рэгіён Беларусі, як і асобныя мікрарэгіёны, маюць свае адметныя адрозныя традыцыі. У нашым прынце мы пастараліся паказаць гэтую разнастайнасць

На выяве адлюстраваны ўмоўныя межы шасці гісторыка-этнаграфічных рэгіёнаў Беларусі, у якіх прадстаўлены прыклады характэрных для іх ручнікоў:
🔻 Падзвінне
🔺 Падняпроўе
🔻 Цэнтральная Беларусь
🔺 Усходняе Палессе
🔻 Заходняе Палессе
🔺 Панямонне

Выкарыстаныя фотаздымкі ручнікоў: кніга доктара мастацтвазнаўства Вольгі Лабачэўскай «Повязь часоў – беларускі ручнік»

Незалежна ад відаў і функцый ручнікоў, усе яны маюць адну сімволіку:
❤️ ахова
❤️ спрыянне
❤️ добразычлiвы ўплыў
❤️ добраславенне вышэйшых сiлаў

Такая значная сімвалічная роля ручніка не змяняецца цягам стагоддзяў, ручнік і зараз вельмі шырока прысутнічае ў нашым жыцці

Старадаўняя, працяглая і непарыўная традыцыя выявілася ў багатай разнастайнасці тэхналогій вырабу і аздаблення. Нельга не адзначыць і высокую дэкаратыўна-мастацкую каштоўнасць ручнікоў, якія ўпрыгожваюць нашу паўсядзённасць

⬜️ Ручнікамі ўпрыгожваюць хатнюю бажніцу, яны – абавязковы атрыбут каляндарных і, асабліва, сямейных абрадаў: радзіннага, вясельнага, пахавальнага
🟥 Іх, як аброкі, ахвяруюць у прошчах, каб пазбегнуць ліха і пазбавіцца ад хваробаў
⬛️ У абрадах ручнік – пасярэднік паміж нашым светам і светам продкаў, сімвалічны шлях як у новае жыццё тут, так і ў іншасвет, да дзядоў
Майстар / Вытворца

Матэрыял

Кошык

1

Прамежкавы вынік: 100.00 руб.

У кошыкЗамовіць!