Вы самі выбіраеце колеры і памеры футболак!
Пры набыцці пары (2-х, 4-х, 6-ці…) футболак кошт кожнай футболкі змяньшаецца на 10% і становіцца не 60, а 54 руб! Адпаведна кошт двух футболак (сэта) складзе не 120, а 108 руб!
Прынт “Кола года” створаны на падставе выяў, узятых з унікальнай тутэйшай рэчы, якая ня мае аналагаў – сярэднявяковага драўлянага абрадавага каўша, які, вельмі верагодна, выкарыстоўваўся на святочных бяседах! Сам коўш захоўваецца ў музеі народнага мастацтва ў Раўбічах
Навукоўцы вызначылі: малюнкі на каўшы выяўляюць каляндарную традыцыю, звязаную з рухам Сонца. Выявы сімвалічна пазначаюць святочныя і прыродныя адцінкі часу, дванаццаць месяцаў, і – магчыма – тутэйшыя знакі-адпаведнікі агульнапрынятым на сёння задыякальным
Знакі маюць сімвалічны і міфалагічны характар, бо сам коўш – не ўтылітарны каляндар, а сімвалічна-абрадавы. Яны не пазначаюць дакладныя даты, але адлюстроўваюць агульную паслядоўнасць і рух святога часу цягам года
“Збудаваў Бог дом круглы” – так у загадках апісваецца год. Сапраўды, год – гэта бясконцае кола, якое раз за разам праходзіць свой вызначаны касмічны шлях 
У нашых міфах неба таксама круглае, а Сонца – кола, якое коціцца па небе. Гэты вечны рух прыроды чалавек выяўляе ў календары: што адбываецца на небе, тое ж адбываецца і на зямлі 
У беларускіх валачобных песнях разгортваецца паданне, калі пад час стварэння свету Бог збірае ўсе святы, каб іх упарадкаваць і ўсталяваць паслядоўнасць змены. Гэтым ладам мы кіруемся і сёння 
“Кола года” – гэта адлюстраванне жыцця чалавека ў адзінстве з рухам нябёсаў і зямлі, усяго свету 
