Прапануем зніжку пры набыцці ад 2-х да 4-х футболак разам!

Выдатны і зручны варыянт для сям’і, каханых, у падарунак пары ці сябрам альбо проста для сябе!
Вы самі выбіраеце колеры і памеры футболак!
Пры набыцці ад 2-х футболак кошт кожнай футболкі змяньшаецца на 10% і становіцца не 60, а 54 руб!

_____________________________________________________________________________

Прынт “Родныя вокны”

Мы ўспрымаем вокны як нешта абыдзённае, функцыянальнае, а яны маюць велізарнае сімвалічнае значэнне

Паводле паданняў, Падарожны Бог ў пракаветныя часы навучыў чалавека рабіць вокны, праз якія ў хату трапіла жаданае сонечнае святло і стаў бачны белы свет. Адтуль і пайшло разуменне, што праз вокны, як божы дар, мы маем дачыненне ня толькі з наваколлем, але і з іншасветам

 Пад вокнамі спяваюць валачобнікі і калядоўшчыкі, нясуць гаспадарам долю і атрымліваюць за гэта праз вакно дарункі
 Праз вакно на Дзяды мы запрашаем сваіх продкаў на вячэру
 Праз вакно старая бабка (Доля) адказвае на пытанні і вызначае лёс народжаных дзяцей
 У вокнах нябеснай сядзібы свецяць Месяц, Сонца і зоркі

Сімвалічная значнасць вокнаў абумоўлівае патрэбу ў іх асаблівым аздабленні, каб годна сустрэць чароўных гасцей: багоў, дзядоў ды іх пасланцаў. Ліштвы маюць ня толькі дэкаратыўнае і мастацкае, але і ахоўнае прызначэнне, бо з іншасвету праз вакно ў дом можа трапіць рознае ліха. Змеі , жывёлы  і птушкі  наверсе ліштваў пільнуюць і не пускаюць у хату шкодных істот 

Сіметрычныя парныя фігуры на ліштвах у выглядзе змей, цмокаў, птушак і раслін увасабляюць вобразы Спарыша, які прыносіць у дом спор, поспех, памнажае дабрабыт, а выявы сонца, месяца і зорак ня толькі адлюстроўваюць нашы міфалагічныя сюжэты, але таксама сваім сімвалічным святлом адпужваюць сілы цемры 

Разьбяныя і пафарбаваныя ліштвы і аканіцы ствараюць адметнае і непаўторнае аблічча кожнага дома, яго твар, а самі вокны – яго вочы, якія ззяюць добрым святлом 

Гэта невыпадковы, блізкі і добра знаёмы ўсім нам вобраз, бо кожны з нас імкнецца на святло Родных вокнаў