Зніжка!

Футболкі і худзі з замком “Родныя Вокны” (4 мадэлі)

33.00 руб.69.00 руб.

скінуць вылучэнне
Для каго: для ўсіх! 🙋‍♀️🙋‍♂️
Тэхналогія друку: шаўкаграфія
Дызайнер: @naka.seka
Мы збольшага ўспрымаем вокны як нешта абыдзённае, функцыянальнае, а вокны маюць велізарнае сімвалічнае значэнне.
Паводле паданняў, Падарожны Бог ў пракаветныя часы навучыў чалавека рабіць вокны, праз якія ў хату нарэшце трапіла жаданае сонечнае святло і стаў бачны белы свет. З тых часоў і пайшло разуменне, што праз вокны, як божы дар, мы маем дачыненне ня толькі з наваколлем, але таксама з іншасветам.
🌟 Пад вокнамі спяваюць валачобнікі і калядоўшчыкі, несуць гаспадарам долю і атрымліваюць за гэта праз вакно дарункі.
🏡 Праз вакно на Дзяды мы запрашаем сваіх продкаў на вячэру.
🍼 Праз вакно старая бабка (Доля) адказвае на пытанні і вызначае лёс народжаных дзяцей.
🌙 У вокнах нябеснай сядзібы свецяць Месяц, Сонца і зоркі.
І гэта далёка не ўсе абрадавыя дзеянні і ўяўленні, якія звязаны з вокнамі!
Сімвалічная значнасць вокнаў абумоўлівае патрэбу ў іх асаблівым аздабленні, каб годна сустрэць чароўных гасцей: багоў, дзядоў ды іх пасланцаў. Разьбяныя ліштвы маюць ня толькі дэкаратыўнае і мастацкае, але і ахоўнае прызначэнне, бо з іншасвету праз вакно ў дом можа трапіць рознае ліха. Змеі, жывёлы і птушкі наверсе ліштваў пільнуюць і не пускаюць у хату шкодных істот.
Выявы сонца, месяца і зорак ня толькі адлюстроўваюць нашы міфалагічныя сюжэты, але таксама сваім сімвалічным святлом адпужваюць сілы цемры 🌑
Сіметрычныя парныя фігуры на ліштвах у выглядзе змей, цмокаў, птушак і раслін увасабляюць вобразы Спарыша, які прыносіць у дом спор, поспех, памнажае дабрабыт. А яшчэ Спарышом дзе-нідзе клічуць дамавіка.
Разьбяныя і пафарбаваныя ліштвы і аканіцы ствараюць адметнае і непаўторнае аблічча кожнага дома, з’яўляюцца яго тварам, а самі вокны – яго вочы, якія ззяюць добрым святлом 🤍
Гэта невыпадковы, блізкі і добра знаёмы ўсім нам вобраз, бо кожны з нас мкнецца на святло Родных вокнаў!
Майстар / Вытворца

Матэрыял

Кошык

0

У кошыку пакуль нічога няма.