Футболкі ўніверсальнага фасону, падыходзяць і жанчынам і мужчынам!

🌅 Прынт “Зара” – з загадкай і адгадкай! Спрыяе кожнаму!

Зара – тутэйшая багіня, вобраз і ўшанаванне якой узыходзяць да часоў індаеўрапейскага адзінства. Як боства світанку, яна праганяе цемру, а таксама выганяе хваробы і духаў, якія шкодзяць людзям. Зара спрыяе ў дарозе людзям, выходзіць перад узыходам сонца, адчыняе нябесную браму, выпускае святло і сонца ☀️Ключы з’яўляюцца характэрным атрыбутам Зары, які згадваецца ў шэрагу каляндарна-абрадавых песен, замовах, загадках 🗝

🌙 У некаторых варыянтах паданняў з кола міфа пра “Нябеснае вяселле” Зара з’яўляецца парай, нявестай, жонкай Месяца, а зоркі – гэта іх дзеці. Пашыраны ў фальклоры сюжэт, паводле якога, Зара губляе ключы іграючы/жартуючы з каралём. Верагодна, што тут пад “каралём” маецца на ўвазе Месяц, які ў беларускім фальклоры завецца “княжычам”, “маладым князем”, а ў літоўскім – “каралевічам”. Гэтую версію падмацоўвае песня, у якой адзначаецца, што менавіта Месяц знайшоў ключы Зары.
⠀
🗝 Матыў “Зара губляе ключы” можа быць адлюстраваннем нейкага падання, якое звязана з колам міфаў пра “Нябеснае вяселле”. У адной з песняў Зара кажа: “А хто мае ключы найдзець, за таго замуж пайду!”. Прасочваецца матыў магчымага суперніцтва паміж Сонцам і Месяцам за Зару.
⠀
Адметна, што гэты ж самы сюжэт адлюстраваны і ў загадках: “Зара зырала, ключы пацярала, месяц ўбачыў, сонца ўкрала”. Іншы варыянт загадкі: “Iшла Зара ўначы, згубіла ключы”. Гэтымі ключамі з’яўляецца раса, якая абмывае і ачышчае зямлю, дае жыццёвыя сілы, мае гаючыя ды магічныя ўласцівасці.

💧 Раса выкарыстоўвалася ў шэрагу абрадавых дзеянняў па пераадоленнi мяжы памiж “гэтым” i “тым” светам, што тлумачыць, чаму яе ўспрымаюць і называюць “ключамі”. І не толькі праз гэта. Ранішняя раса ўвасабляе моц Зары і сілы нябёсаў увогуле. Яна – жывільны пачатак, што абнаўляе, мацуе і сілкуе; сімвалічны ключ да здароўя, шчасця і сілы духа.