Арт-ВандроЎка. Тэатр для дзяцей.
Шэраг сустрэч і кожная – маленькая вандроўка па розных мясцінах і часах, з якімі звязаны театр. Усё адбываецца інтэрактыўна.
Сталкер (выкладчык) мякка зацікаўлівае і уводзіць у фармат гульні, дзе ўсе могуць быць творцамі – акторамі, рэжысерамі, сцэнографамі ці іншымі стваральнікамі тэатра, дзе ўсе могуць быць цікавымі і вельмі важна, што кожны дзіцёнак думае, што ўяўляе, што прапануе і спрабуе.
На пачатку сустрэчы – маленькі інструктаж – куды накіроўваемся, чым вабяць тыя мясціны, часы, людзі, падзеі, і што нам спатрэбіцца ў дарозе.
Потым – размеркаванне роляў.
Далей – гульні, ўяўленні, фантазіі, стварэнне дэкарацый, спробы быць сабой, спробы быць кімсьці ці чымсьці яшчэ, вандраванне па розных цікавых абставінах і сітуацыях, сустрэчы з рознымі персанажамі, стварэнне разнастайных атмасфер, прыняцце сваіх вырашэнняў, творчыя рызыка, складанасці і перамогі і знаёмства з рознымі гранямі тэатра.
Кульмінацыя – імправізаваны міні-спектакль, ці пэрформанс з усімі ўдзельнікамі.
Развязка – кожны дзеліцца сваемі ўражаннямі і атрымоўвае заданне на наступную вандроўку.
Першае кола Вандровак:
1. Цішыня
2. Свой тэатр
3. Дрэвы
4. Космас
5. Жывёлы
6. Прадметы
7. Стыхіі
8. Прафесіі
9. Арт-аб’екты
Другое кола Вандровак:
1. Першабытнае паляванне і ўшанаванне багоў.
2. Старажытны грэцкі театр – аратары, вучоныя, акторы, хор.
3. Рымскі тэатр з гладыятарамі і філосафамі.
4. Ангельски театр Шэкспіра.
5. Французкі тэатр Мальера.
6. Прыгонныя тэатры магнатаў ВКЛ.
7. Беларусская батлейка.
8. Рускі псіхалагічны тэатр Станіслаўскага.
9. Документальны театр.
Уся інфармацыя падаецца адаптаванай пад дзіцячае ўспрыманне.
Задачы перад Сталкерам – раскрываць індывідуальнасці і ствараць умовы для іх праяў, выхоўваць якасці асобы, ўпэўненасць, сьмеласць, самасвядомасць, правакаваць творчыя кантакты і камунікацыі, зацікавіць жывым працэсам, даць першапачатковыя навыкі існавання ў сцэнічных умовах, захапіць тэатрам.
Узроставыя групы: 3-6, 7-10, 11-14.
Сталкер: Андрэй Саўчанка
Кантакты:
+375296308301
+375296248902
skype: andreisauchanka
actorart.jimdo.com
myspace.com/
vimeo.com/
facebook.com/
