У чым каштоўнасць ручной працы?

Этнакрама РАГНА

Вось вы стаіце перад вітрынай з вырабамі, зробленымі майстрамі.

Уявіце на хвілінку колькі кілаграмаў/кіламетраў (патрэбнае падкрэсліць) матэрыялу перабралі рукі майстра перад тым, як зрабіць рэч, якая стаіць перад вамі! Уявілі? А колькі соцень і тысяч гадзін 🕦 ужо адпрацаваў майстар, ствараючы і ствараючы!
Гэта – яго цэлае жыццё!

Карпатлівая праца, спрактыкаваныя рукі і ўчэпісты позірк вакол сябе ўвесь час нараджаюць новае, аўтарскае, мастацкае!
Пэўныя формы застаюцца нязменнымі, увасабленняў тысячы.

Яшчэ адна ўласцівасць 🙌 ручной працы ў тым, што працуючы, робячы, майстар хоцькі-няхоцькі закладае ў свае рэчы і творы ўласную энэргетыку.

🔰Цікава! У мастацкай школе дзеці малявалі гіпсавую форму галавы ільва. Калі творы выклалі на прамежкавы прагляд, кожны леў быў падобны на свайго юнага мастака. А малявалі та ўсе адно і тое ж! Вось і першыя задаткі асабістага почырку.

☝Дык вось у чым каштоўнасць ручной працы і яе вынікаў – рэчаў, створаных рукамі.

АКЦЫЯ! З 21 па 25 верасня зніжкі на ўвесь асартымент 12%!

Этнакрама РАГНА

У перыяд Восеньскага Раўнадзенства 🌗 у Этнакраме РАГНА
з 21 па 25 верасня зніжка на ўвесь асартымент 12%
Запрашаем 🙂

А для атрымання такой зніжкі ў нэт-краме пры фарміраванні замовы ўвядзіце прома-код 👉 vosien2018

Нашы навінкі

Этнакрама РАГНА

Больш навінак →

Рэліз дакументальнага фільма “ПЕСНІ СТАРОЙ ЕЎРОПЫ – СТАРАЖЫТНЫЯ БЕЛАРУСКІЯ НАРОДНЫЯ ПЕСНІ”

Этнакрама РАГНА

З 11 траўня эксклюзіўна ў этнакраме РАГНА!

Рэліз поўнаметражнага дакументальнага фільма Волі Дземка аб знікаючых культурных традыцыях Беларусі “ПЕСНІ СТАРОЙ ЕЎРОПЫ – СТАРАЖЫТНЫЯ БЕЛАРУСКІЯ НАРОДНЫЯ ПЕСНІ”

DVD-дыгіпакі са стужкай і 7-старонкавым буклетам з інфармацыяй пра фільм і аўтэнтычных спевакоў і спявачак.

Этнографы і фалькларысты лічаць традыцыйныя спевы беларусаў найстаражытнейшымі песнямі на тэрыторыі Еўропы, і іх дагэтуль можна пачуць у беларускіх вёсках у аўтэнтычным выкананні. Беларусы валодаюць непараўнальным культурным багаццем. Падчас аднаго вяселля, якое магло доўжыцца два тыдні, ад сватання да святочнага застолля, выконвалася да пяцісот песен! На жаль, вельмі мала людзей нават у Беларусі ведаюць, наколькі старая і ўнікальная наша спеўная культура. Гэты неацэнны скарб сапраўды варты ўвагі і шанавання.

Тэма стужкі, як на сучаснага гледача, – даволі спецыфічная, але група пастаралася стварыць фільм дынамічны, інфармацыйны, насычаны яркімі колерамі і гукамі, прывабны для людзей розных густаў. У фільме прысутнічаюць унікальныя архіўныя кадры з пачатку і канца XX ст., экспедыцыйныя хронікі 1990-х гг., эпізоды рыцарскіх баталій і турніраў, знятыя на фестывалях сярэднявечнай культуры; ўсё гэта гарманічна паяднана з камп’ютарнай графікай і анімацыйнымі ўстаўкамі, а галоўнае – суправаджаецца якасна запісанай музыкай. Эксклюзіўныя інтэрв’ю для стужкі далі такія адмыслоўцы, як этнамузыколаг Тамара Варфаламеева, гісторык Сяргей Трацяк, музыкі Іван Кірчук і Алег Хаменка. У саўндтрэк фільма ўвайшло больш за сотню старажытных песен у выкананні як аўтэнтычных спевакоў, так і шырока вядомых у Беларусі і па-за межамі гуртоў – этна-трыа“Троіца”, Guda, Vuraj ды інш.

Трэйлер фільма: