Паход у народ: лясная аптэка (11 лютага)

Усю нядзелю прысвяцім здароўю: прафесійны правізар раскажа пра карысць траваў і ігліцы для нашага імунітэту, навучыць выкарыстоўваць рэсурсы прыроды для аздараўлення і падзеліцца рэцэптамі фітакасметыкі!

Тэма здароўя — мабыць, адна з самых важных і актуальных сёння. Заўважылі, якімі частымі сталі выпадкі прастудаў і захворванняў апошнім часам? На сустрэчы з правізарам і спецыялістам па фітатэрапіі Вольгай Спірыдонавай вы даведаецеся, як з дапамогай зёлак умацоўваць імунітэт і эфектыўна лячыць прастуды ці іншыя захворванні, атрымаеце індывідуальную кансультацыю па пытаннях вашага здароўя. Прагуляецеся па Налібоцкай пушчы — адным з найстарэйшых участкаў лесу ў Беларусі, дзе даведаецеся пра карысць іглічных раслін, а ва ўтульнай сядзібе прыгатуеце набор фітакасметыкі, карысны кактэйль з ігліцы і смачную мядовую пасту на аснове зёлак!

Падрабязней ТУТ 

Кошт: 60 рублёў / асоба

Уключана ў кошт:
– праезд з Менску да сядзібы (Валожынскі раён) і назад;
– смачны абед у сябдзібе
– удзел у майстар-класе па фітакасметыке і ўвесь неабходны матэрыял;
– лекцыя і індывідуальная кансультацыя ад правізара.

Саламяныя павукі на Каляды

Да Калядаў ці Вялікадня як святаў, з якіх у розныя часы пачынаўся новы год, у хаце вешалі саламяных павукоў, што таксама сімвалічна пазначала колазварот часу.

Павук — гэта выява ідэальна спарадкаванага свету, з усімі яго прамымі сувязямі і ідэальнымі сіметрыямі. Кожны, відаць, хацеў бы, каб так было ў свеце і ў адносінах, але на яве тое не так.

Цягам года энтрапія разбурае, выкрыўляе ўсё гэта (таму перад Калядамі старога павука спальвалі). А з пачаткам новага кола года мы зноў аднаўляем, праграмуючы год ізноў на лепшае.

Сена пад абрусом — на рост, павук пад столлю — на лад.

Каляды: елка ці павук?


Ну а ўсе нашы павукі вы можаце ўбачыць ніжэй:

Калядныя падарункі!

Хо-хо!” – падумаў пэўна Святы Мікалай ці які Ёлоўпукі, гледзячы на снег за вакном – ”Вось і прыходзіць мой час!“
Хо-хо…” – думаем мы, чэшучы патыліцу і гледзячы на той жа снег у квадраце між фіранак – “Вось і прыйшоў час цёплых шкарпэтак і рукавічак, а яшчэ і калядныя святы не за гарамі, трэба падарункі шукаць…”
ХО-ХО!!!” – радасна гукае Этнакрама РАГНА – “А ў нас усё гэта ёсць для вас! Прыходзьце ўцяпляцца і закупацца незвычайнымі падарункамі! 😌

Наш святочны раздзел

Рагна-стыль: выбар тыдня #22

Ці памятаеце, як у дзяцінстве чакалі той дзень, калі дома ставілася навагодняя елачка? Гэта ж цэлае таінства! Цацкі даставаліся з каробак, якія чакалі цэлы год. Кожная з цацак разварочвалася з газеты ці вымалася з ваты. Для кожнай шукалася сваё месца на ёлцы, асцярожна развешваліся гірлянды, а потым можна доўга-доўга глядзець на прыгажосць, створаную сваімі рукамі.

Зрабіце для сваёй елачкі і для сябе падарунак і абнавіце яе гардэробчык з дапамогай Этнакармы РАГНА і нашых таленавітых майстроў. Цацкі з дыхты, тканіны, бісера, саломы, дрэва і валяныя з воўны зробяць вашую навагоднюю прыгажуню непаўторнай і арыгінальнай.


Дэталі гэтай падборкі:

А яшчэ больш калядных і павагодніх падарунказ ТУТ

Падарункавыя сертэфікаты вяртаюцца! Ужо ў наяўнасці!

Ці здаралася з вамі такое, што набліжалася пэўнае свята, а вы, хоць трэсні, не ведаеце што набыць у падарунак? Час ідзе, пачынаецца паніка, вам ужо сніцца віноўнік вашых пакут, ужо няма радасці ад маючай адбыцца гулянкі, з’яўляюцца думкі “захварэць” ці прыдумаць нейкую неверагодную гісторыю з удзелам спецслужбаў, тэрарыстаў і іншапланецян.

Наколькі было б прасцей, каб быў нейкі ўніверсальны варыянт на такі выпадак! А ў нас якраз ёсць такі варыянт 🙂

Хлапушкі і фанфары!!! Сустракайце, падарункавы сертыфікат!!!
Вы абіраеце суму, на якую хочаце зрабіць падарунак, аплочваеце і вуаля! Ідэальны падарунак гатовы 🙂