Беларускi Саюз Дызайнераў прапануе Вам ілюстраваны даведнік “Тутэйшы дызайн. Асобы. Рэчы”, прэзентацыя якога адбылася ў сярэдзіне лістапада 2016 года.

У лютым 2017 года на Міжнародным кніжным кірмашы ў Мінску кніга “Тутэйшы дызайн. Асобы. Рэчы” атрымала “Залаты фаліянт” – лепшае выданне года ў намінацыі “Існасць рэчаў” за ўклад у захаванне культурнай спадчыны.

«Тутэйшы дызайн. Асобы. Рэчы» — своеасаблівая анталогія беларускага дызайну: больш за 500 старонак унікальнага ілюстраванага матэрыялу з актуальнай інфармацыяй. На старонках выдання прадстаўлена больш як 300 асоб беларускага дызайну — з рэпрадукцыямі работ, асабістымі кантактамі і кароткімі біяграфічнымі звесткамі.

Побач з заснавальнікамі прафесіі, вопытнымі майстрамі і запатрабаванымі практыкамі, вартае месца ў каталозе займаюць працы маладых, перспектыўных і не менш амбітных дызайнераў і мастакоў. Праект закранае ўсе сферы сучаснага беларускага дызайну: аб’ектны дызайн, дызайн інтэр’ераў, арт-дызайн, фэшн-дызайн, камунікатыўны дызайн і культурны менеджмент.

Каталог прадстаўлены на беларускай і англіскай мовах, тыраж – 1500 экзэмпляраў, што пераводзіць яго ў спіс бібліяграфічных рарытэтаў. Кніга будзе цікава не толькі прафесіяналам у галіне дызайна і выяўленчага мастацтва, але і шырокаму колу чытачоў. Кніга можа быць упрыгожаннем кабінета кіраўніка, цудоўнай базай дадзеных, але і шыкоўным падарункам.