- Фармат: 150х100 мм.
- Шчыльнасць паперы: 350 гр/м2.
- Матавае ламінаванне Soft-Touch, выбарачнае пакрыцё 3D-лакам, скругленыя куты
Вобраз ката ў беларускай народнай традыцыі значны, насычаны сэнсамі, і вельмі часта сустракаецца ў казках і паданнях.
Аднак самае галоўнае, пра што не трэба забывацца, гэта тое, што мы ўсе жывем на кацінай долі 👇
Па ўсёй краіне распавядаюць паданні, як калісьці даўно жыта расло з коласам ад зямлі, альбо з некалькімі каласамі на сцяблінцы, усяго было багата, і людзі распесціліся, працавалі нядбайна, ляніліся, ставіліся да хлеба непаважліва ды яшчэ скардзіліся на тое, што цяжка жаць каласы ад самай зямлі. У пакаранне за гэта Бог вырашыў знішчыць жыта. Тады ўжо да яго прыйшлі каты (ці разам каты і сабакі) і папрасілі, каб пакінуў хоць штосьці. Бог пашкадаваў катоў і пакінуў на сцяблінцы адзін кароткі каласок. Такім чынам, людзі ядуць хлеб, пакінуты Богам для катоў, таму мы і жывем на кацінай долі. З тым часоў пайшоў звычай, што катоў і сабак трэба карміць пярвей. І мы мусім не забываць пра гэта, шанаваць ды клапаціцца пра сваіх гадаванцаў.
