Зніжка!

Футболкі “Русалка” (4 мадэлі)

25.00 руб.29.00 руб.

скінуць вылучэнне
Артыкул: N/A Катэгорыі: ,

Футболкі ўніверсальнага фасону, падыходзяць і жанчынам і мужчынам!

🧜‍ Русалкі без перабольшвання могуць лічыцца самымі вядомымі прадстаўнікамі свету беларускай міфалогіі. Бадай кожны ведае, хто такія русалкі, і калі гаворка пойдзе пра тутэйшыя міфы, то русалкі будуць згаданыя ў ліку першых. Сапраўды, русалкі вядомы па ўсёй Беларусі, прычым аўтэнтычныя аповеды пра іх дагэтуль можна пачуць у вёсках, а дзе-нідзе дагэтуль шануюць Русальны тыдзень і ладзяць абрад “Провады русалкі”, а таксама ў асобных мясцовасцях русалкі ўшаноўваюцца на Сёмуху і Купалле.

🌿 Русалкі з’яўляюцца духамі прыроды, увасабленнем расліннасці і вільгаці, а яе вобраз сімвалізуе жыццёвую сілу раслін. Русалка ахоўвае расліннасць у час вегетацыі, у тым ліку спрыяе росту ўраджая. Адметна, што ў народных паданнях час знаходжання русалак на зямлі адпавядае перыяду ад з’яўлення зеляніны, квітнення раслін, красавання і выспявання жыта і да збору ўраджая. Русалкі з’яўляюцца з вады вясною і жывуць на зямлі да позняй восені. Найбольш актыўным іх часам з’яўляецца Русальны тыдзень (восьмы пасля Вялікадня тыдзень напярэдадні Сёмухі, альбо пасля траецкай нядзелі пачынаючы з Духава дня), што супадае з пікам росту зеляніны.

🌱 Русалак часам называюць па-рознаму, аднак у паданнях іх апісваюць даволі падобна: неапранутыя дзеўкі з распушчанымі доўгімі валасамі, русымі ці зялёнымі, амаль празрыстым пяшчотным целам, вялікімі грудзямі, блакітнымі прыгожымі вачыма. У час знаходжання на зямлі русалкі насяляюць ваду, лугі, палеткі, лясы. У лесе гушкаюцца на галінах бярозы, а таксама ліпы, дуба. З вобразам русалкі звязаны таксама клён, папараць
Русалкі, як і іншыя духі прыроды, могуць быць як небяспечнымі для чалавека, так і спрыяльнымі, што залежыць ад учынкаў самаго чалавека. Калі не парушаць усталяваных правілаў, русалка зла не робіць, папярэджвае пра небяспеку і можа спрыяць, у адваротным выпадку можна чакаць трагічных наступстваў.

🍀 Русалка ахоўвае раслінны свет ад бяздумных дзеянняў чалавека, якія могуць зашкодзіць як прыродзе, так і чалавеку. Забарона хадзіць у поле і лес на Русальным тыдні скіравана менавіта на тое, каб расліны былі ў спакоі ў важны час выспявання. Вельмі красамоўным з’яўляецца запіс Часлава Пяткевіча: “Русалкі сядзяць у жыце, як яно расце, ета Бог іх пасылае пільнаваць, штоб ніхто не тоўкся да не трусіў каласкоў, бо не нальюцца. Дак і не дзіва, што як нейкі загавайла ўпрэцца ў пашню, то яго заслакочуць. Русалкі безнявінна нікому не робяць зла; яны сядзяць і ў вадзе, да ў самых глубінах, у самых кручынах (віры), каб людзі зналі, што туды не лезь, бо ўтопішся. Сядзяць яны і ў лесе да найчасцей паблізу ўсякае твані, усякіх нетраў, асцерагаючы ўсіх, што там найбольш чарцей”.

💚 Вобраз русалкі сімвалізуе прыродны лад і нагадвае пра надзвычай важнае для сучаснага света гарманічнае існаванне чалавека і прыроды.

Матэрыял

Кошык

0

У кошыку пакуль нічога няма.